Allah Qur`ani Kərimin “ət-Tin” surəsində zeytuna, əncirə and içdiyi halda bir çoxumuzun zeytun və onun yağının faydasından, xeyrindən xəbəri yoxdur. İbn Ömər təriqi ilə rəvayət olunan hədislərin birində Peyğəmbərin (s) dilindən oxuyuruq:
“Zeytun yağından davamlı olaraq istifadə edin, onu bədəninizə sürtün. Cünki, o, mübarək bir ağacdandır”
İbn Əsidin rəvayət etdiyi hədisdə isə Allahın rəsulu buyurur: “(Yeməklərinizi) zeytun yağı (ilə) yeyin. Onu bədəninizə sürtün, çünki, o, mübarək bir ağacdandır.” Bu hədislərin deyilməsinin üstündən əsrlər keçdikdən sonra müasir elm sübut etdi ki, zeytun yağının tərkibində ürək-damar xəstəliklərinin müalicəsi üçün xeyli faydalı elementlər var. Sonuncu Peyğəmbər (s) isə hələ 1400 il bundan əvvəl bizlərə zeytun yağından istifadə etməyi tövsiyə etmişdir. Müasir dövrün elm adamlarının zeytunun kimyəvi tərkibini öyrənməsindən sonra məlum oldu ki, zeytunun tərkibindəki maddələr qanda laxtalanmanın qarşısını alır və qanda tələb olunan HDL yüksək qatılığa malik xolestrolun səviyyəsini qaldırır, damarlardakı xolestrol çöküntülərini təmizləyir. İtaliyanın Milan Universitetinin həkimləri ürək-damar xəstəliklərindən dolayı əməliyyat olunmuş xəstələrə davamlı olaraq hər gün 4-5 qaşıq zeytun yağı qəbul etmələrini də müalicələrinin bir hissəsi olaraq tövsiyə edirlər. ABŞ-ın Texas Universitetindən olan həkim Grandi məşhur “American” tibb jurnalının 1986-cı il sayında nəşr etdirdiyi bir məqaləsində yazırdı: “Zeytun yağı qanda xolestrol miqdarını 13% aşağı salır. Piylənmənin qarşısını alır, və protein miqdarını 21%-ə kimi normallaşdırır.” Amerikalı doktor həmvətənlərinə ürək-damar xəstəliklərindən qorunmaq üçün başqa yağların əvəzinə zeytun yağından istifadə etməyi məsləhət görürdü.
| Baxılıb: 693 | Tarix: 
