Vehb bin Münəbbih* (rahiməhullah) ona “Ləə iləhə İlləllah” Cənnətin açarı deyilmi?” deyə soruşan birinə bu cavabı vermişdir: “Əlbəttə elədir, ancaq açacaq olan açarın dişləri varsa! ancaq dişləri olan bir açar gətirsən sənin üçün Cənnətin qapısı açılar, əks təqdirdə açılmaz.” Buxari: Cənaiz: 1, “Fəthul-Bari”də də bir hədisin açıqlaması verilərkən zikr edilmişdir.
Bu açarın dişləri “Ləə iləhə İlləllah” kəlməsinin mənasını bilib, şərtlərini yerinə yetirərək əməl etməkdir. Bunlardan bəziləri:
1- “Ləə iləhə İlləllah” kəlməsinin rədd və isbat anlamında daşıdığı bütün mənaları lazımınca bilmək.
2- Şübhə yeri olmayan, əsl anlamda iman. Bu kəlməni söyləyən kimsə, şəkk və şübhəsi olmadan kəlmənin nəyə dəlalət etdiyini və mahiyyətinin nə olduğunu bilməlidir. Çünki iman deyilincə, onda zənnə yer yoxdur, onda qəti elm şərtdir.
3- Bu kəlmənin tələb etdiyi bütün şərtləri, diliylə və qəlbiylə qəbul edib, təslim olmaq.
4- Bu kəlmənin tələb etdiyi şeylərə boyun əymək və buna zidd olan hər şeyi tərk etmək.
5- Doğruluq. Əməllərin qəlbin söylədiyi və dilin ifadə etdiyinə uyması.
6- İxlas. Şirk ləkələrindən və pisliklərindən təmizlənərək xalis bir niyyətlə əməl etmək.
7- “Ləə iləhə İlləllah” kəlməsini söyləyib, tələblərinə əməl edənləri sevmək, əməl etməyib ziddiyyət içində olanlara da nifrət etmək.
8- Möminləri dost tutmaq, kafirlərdən uzaq durmaq və tağutu rədd etmək.
* Vehb bin Münəbbih, tabiin dövründə yaşamış məşhur Hədis alimi. Hicri 24-ci ildə Sanada anadan olmuş, hicri 124-cü ildə də orada vəfat etmişdir.
| Baxılıb: 9361 | Tarix: 
