“Selef.my1.ru” Türkiyə mətbuatına istinadən bildirir ki, Danimarkada aparılan qazıntı işləri zamanı təxminən 2800 il bundan əvvələ aid olduğu güman edilən antik parçaların qalıqlarına rast gəlinib. Tədqiqatlar nəticəsində qədim dövrlərdə insanların ölən yaxınlarını necə dəfn etdiklərinə dair yeni məlumatlar da əldə edilib. Kopenhagen universitetinin tədqiqatçılarının Lusehoj qəbiristanlığında apardığı araşdırmalar zamanı gicitkəndən hörülmüş paltarın qalıqları tapılıb. Habelə araşdırmalar nəticəsində qədim dövrlərdə insanların ölən yaxınlarını daha uzaq bölgələrdə dəfn etdikləri məlum olub. Arxeoloq Ulla Mannerinq araşdırmada təxminən 2500-3000 il bundan əvvəl insanların tekstil ticarətinə dair mühüm maddi sübutları aşkar etdiklərini deyib. Alim qeyd edilən dövrdə insanların yabanı bitkilərə parça istehsalında üstünlük verilməsinin qeyri-adi olduğunu bildirib.
Tədqiqatçı Mannerinq qəbirlərdən birində tapılan parça qalığının e.ə. 940-750-ci illərə aid olduğunu, kəfən kimi istifadə olunan parçanın isə gicitkən otundan hazırlandığını qeyd edib.
| Baxılıb: 641 | Tarix: 
