Yeni dərs ilinin başlaması ilə bəzi problemlər də yenidən gündəmə
gəldi. Ötən gün mətbuatda yayılan məlumatlara görə, bir neçə orta
məktəbdə hicablı müəllimə və şagirdlər dərslərə buraxılmayıb. Məktəb
rəhbərliyi dindar xanımların başlarını açdıqdan sonra məktəbə daxil
olacağını bildirib. Ancaq bu özbaşınalıq uzun sürməyib. Dini Etiqad və
Vicdan Azadlığını Müdafiə Mərkəzinin (DEVAMM) işə qarışmasından sonra
qanunsuzluq aradan qaldırılıb. Qeyd edək ki. DEVAMM-ın sədri İlqar
İbrahimoğlu bəzi yerlərdən şikayətlərin gəldiyini bildirsə də,
ümumilikdə xoşagəlməz prosesin qanun çərçivəsində ədalətlə həll
olunmasını müsbət addım kimi dəyərləndirdi. Amma məsələnin bu həddə
gəlməsinin özü də suallıdır. Azsaylı dindar, hicablı xanımın dərs
ilinin ilk günündə psixoloji təzyiqə məruz qalması o qədər də xoşagələn
durum deyil. Məktəb rəhbərlərinin heç bir qanuni əsası olmayan bu
özfəaliyyəti neçə illərdir ki, inanclı insanları narahat edir. Halbuki
Konstitusiya, mövcud ölkə qanunları və hətta Azərbaycanın qoşulduğu
beynəlxalq öhdəliklər nəinki bu qadağalara əsas vermir, əksinə, hicab
insanların inanc azadlığı kimi qorunur. Əksər Avropa ölkələrində,
o cümlədən Amerikada belə qadınların hicabla təhsil müəssisəsinə daxil
olması yasaqlanmır. Hətta bəzi Qərb universitetlərində inanclı xanımlar
üçün İslam dininin şərtlərinə uyğun idman geyimləri hazırlanıb. Bütün
bunlar Qərbdə baş verdiyi halda, müsəlman ölkəsində neçə illərdir bu
problemin həlli mümkün olmur. Hər dəfə ölkənin fərqli təhsil
ocaqlarının rəhbərliyinin “modernizm” anlayışının təzahürü olan
qadağalar ortaya çıxır. Ən pisi də odur ki, qeyd olunduğu kimi, heç bir
qanuna, hətta əsasnaməyə söykənmədən edilən bu qanunsuzluqlara görə
kimsə cəzalandırılmır
KƏNAN
Bölmə: Ölkə Xəbərləri | Əlavə etdi: Selef
| Baxılıb: 1065 | Tarix: 20.04.2024
| Baxılıb: 1065 | Tarix: 
