Bu barədə redaksiyamıza məlumat verən mənbə bildirdi ki, “Şəhidlər” məscidi kimi tanınan Allah evinin qapadılmasının arxasında iqtisadi maraqlar durur. Əslində oliqarxlar həmin məscidi qapatmaq barədə çoxdan düşünüblər. Sadəcə, Əbu-Bəkr məscidində baş verən partlayışdan sonra Şəhidlər Xiyabanındakı məscidin fəaliyyətini dayandırmaq üçün əllərinə bəhanə düşüb.
Məlumatlı mənbənin sözlərinə görə, “Şəhidlər” məscidinin qapadılmasında maraqlı olan qüvvə bu ətrafda yerləşən “Moskva” mehmanxanasının yerində müasir tipli hotel inşa edən şəxslərdir. Nədənsə, Azərbaycanda hotel və mənzil biznesi ilə məşğul olan oliqarxlarda belə təəssürat var ki, onların əsas müştəriləri olan əcnəbilərin azan səsindən xoşları gəlmir. Bu səbəbdən də hotel sahibləri obyektlərinin ətrafında məscidlərin fəaliyyət göstərməsinin qarşısını almaq istəyirlər. Düzdür, Azərbaycanda zaman-zaman məscidlərin fəaliyyətinə əngəl yaratmaq istəyənlər çox ciddi təpki ilə üzləşdiklərindən niyyətlərinə nail ola bilmirlər. Amma Əbu-Bəkrdə baş hadisə bəzilərinə bu şansı yaradıb.
“Moskva” mehmanxanasını yenidən quranların “Şəhidlər” məscidini qapada biləcəklərinə dair əminlikləri buradan qaynaqlanır ki, bura hansısa qeydiyyatdan keçmiş dini icmaya məxsus deyil. Bu məscid şəhərdə nadir yerlərdəndir ki, orada həm sünnülər, həm də şiələr birgə ibadətlə məşğul olurlar. Daxili işlər nazirinin müavini Oruc Zalov isə bu yaxınlarda verdiyi açıqlamasında bildirmişdi ki, Dini Qurumlarla İş üzrə Dövlət Komitəsində qeydiyyatdan keçməyən icmaların fəaliyyətinə imkan verilməyəcək. “Şəhidlər” məscidi də konkret hansısa icmaya məxsus olmadığından onun fəaliyyətini bu bəhanə ilə əngəlləməyə çalışacaqlar.
Qaynağın deməsinə görə, məscidin qapısı qəfildən bağlanmayacaq. Belə ki, artıq oranı ciddi polis nəzarətinə götürüblər; məscidə ibadət etməyə gələnlər incidilir, onların sayının azaldılması istiqamətində iş başladılıb. Artıq “Şəhidlər” məscidinə məhdud sayda insanları buraxırlar, onun həyətində namaz qılmağa isə qadağa qoyublar. Beləliklə, orada ibadət edənlərin sayını minimuma endirib, sonra isə az qala muzey səviyyəsində fəaliyyət göstərməsinə və nəhayətdə, hündürdən azan səsləndirilməməsinə nail olacaqlar.
Mənbə bildirir ki, məsələ yalnız azanla da bağlı deyil. Hər gün və xüsusilə də cümə günləri “Şəhidlər” məscidinə minlərlə dindar ibadətə gəlir. Namazdan sonra isə orada ciddi qələbəlik yaşanır. “Moskva”nın ön panoramasının açıldığı bir istiqamətdə belə bir görüntünü arzulamırlar. “Hotelin tikintisi bitənə kimi azan və çoxsaylı dindarlar oradan yığışdırılacaq...”
Azərbaycanda iş quran oliqarxlarda “əcnəbilər azan səsindən xoşlanmırlar” düşüncəsinin formalaşması təəssüf doğurmaqla yanaşı, həm də təəccüblüdür. Söhbət ondan gedir ki, qonşu Türkiyədə ən məşhur hotellərin demək olar ki, hamısının ətrafında məscidlər fəaliyyət göstərir. Türkiyədə olan insanların deməsinə görə, əcnəbilər nəinki azan səsindən narahat olurlar, əksinə, azanı böyük heyranlıqla dinləyirlər.
Sonda onu da qeyd edək ki, “Moskva” mehmanxanasının Azərbaycan əsilli Rusiya biznesmeni tərəfindən yenidən qurulduğuna dair informasiyalar var. Bu məqamda bildirməliyik ki, yazıdakı informasiya və iddialarla bağlı kimə müraciət etməyi müəyyənləşdirə bilmədiyimiz üçün məqalə birtərəfli hazırlandı.
Bölmə: Ölkə Xəbərləri | Əlavə etdi: Selef
| Baxılıb: 1261 | Tarix: 24.11.2024
Bele shey olar, bunlar deli olub??, Xarici vetendash, turis yalniz Bakiya gelir, o qeder musleman olkeleri var ki, Azerbaycandan cox turist gelir, xristiyani, yehudisi, hec hemin olkelerde bele qeletleri eden yoxdur. Hec ecnebileride bu narahat da etmir. Eger edirsede Allah onlara hidayet versin. Onlara gore Allahin evini baglamaq olar?? Ozlerinden shey cixardiblar. Heqiqeten de bele sheyleri gorende adam bu olkeden gedmek isteyir, bu indi beledi, gor bir nece ilden sonra ne olacaq. Bir gunde deyeceklerki, hicablilar hicablarini cixarsin ay nebilim ecnebilerin xoshuna gelmir, ay nebilim avropa shurasina daxil olmaq ucun, Heqiqeten de bu olkeden gedmek lazimdir, bunun sonu ne olacaq ???
belə şeyləri görəndə adam başını götürüb qaçmaq istəyir Az-dan. hansısa bir-iki kafirin könlünü oxşamaq üçün Allahın əmrinə qarşı çıxırlar. biz illərlə burda yaşayan və Az. vətəndaşı olanların fikrini heç vecinə alan da yoxdur. Allah hidayətə layiq olanlara hidayət versin.
| Baxılıb: 1261 | Tarix: 
