Muaz ibn Cəbəl ® belə rəvayət edir: “Peyğəmbərlə (s) birlikdə bir səfərə çıxmışdıq. Yolla gedərkən ona (s) dedim:
“Ey Allahın rəsulu, mənə elə bir şey öyrət ki, ona əməl etdikdə cənnəti əldə edim və cəhənnəmdən uzaq durum” Mənə belə cavab verdi: “Sən ciddi bir məsələ haqqında soruşdun. Çətin olmasına baxmayaraq, əgər Allah onu kiməsə nəsib etsə, o, ona asan gələr. Elə isə yalnız Allaha ibadət et, Ona heç bir şeyi ortaq qoşma, namazı vaxtında və layiqli şəkildə qıl, zəkat ver, Ramazan orucunu tut və Allahın evini ziyarət et (həcc et). Daha sonra isə sözünə belə davam etdi: “Ey Muaz, sənə xeyir qapılarını göstərməyimi istəyirsənmi?” “Bəli, ey Allahın rəsulu” deyə cavab verdiyimdə cavabında buyurdu: “Oruc bir qalxandır, pisliyə qarşı bir sipərdir. Su odu söndürdüyü kimi sədəqə də günahları silər, təmizləyər. Gecə yarısı qalxıb namaz qılmaq da əməlisaleh qulların işidir” (Tirmizi. İman, 8).
Əvvəllər savaş qılıncla, qalxanla olurdu. Oxdan və mızraqdan istifadə olunurdu. Döyüşçünün bir əlində qılınc, bir əlində də qalxan olurdu. Döyüşçü qılıncla hücum edər, qalxanla da düşməndən gələn zərbələri dəf edərdi. Beləcə qalxanın köməyi ilə həyatını qoruyub yaralanmaqdan xilas olardı.
Mənəvi təhlükələrə, günahlara, pisliklərə qarşı da ən güclü silah orucdur. Çünki iftar saatına qədər imsak (özünü orucu pozan hallardan qorumaq) qalxanından istifadə edən, oruc sipərinin arxasında duran insan nəfs və şeytandan gələn günah oxlarına qarşı hər zaman hazır olur və qəlbinin o oxlarla yaralanmasına imkan vermir. Çünki günah insanın arzu və istəklərinə tabe olmaqla, onlara uymaqla meydana gəlir. Şəhvani hisslər aclıq və susuzluqla “sındırıldıqda” insan özünə hakim olur və bir sözlə günahlardan uzaq durur. Günahlardan uzaq olduqda da Axirətdə onun nəticəsi olan cəhənnəm əzabından qorunmaq mümkündür.
Başqa bir hədisdə peyğəmbərimiz (s): “Oruc sizi savaşda ölümdən qoruyan qalxan kimi cəhənnəmdən qoruyan bir qalxandır” deyə buyurub (Nəsai. Sövm, 167).
AsSalamu aleykum. Məqaləyə görə Allah razı olsun, bacı. Peyğəmbərimiz salllahu aleyhi və səlləm ) Kiçik bir nəsihət edim, bacı. "Sallallahu aleyhi və səlləm" ifadəsini qısaltmaq ((s) (s.a.s) (s.v.s) şəklində işlətmək) olmaz.
| Baxılıb: 622 | Tarix: 
