«Namaza qadağa var idi bizim hərbi hissədə. Deyirdilər ki, qılmaq
olmaz. Bizimçün namaz həyatın mənasıdır». Əsgərlikdə namaz qadağası ilə
üzləşən keçmiş sıravi Fəxri Hüseynov “Azadlıq” radiosuna bunları
deyib.Onun sözlərinə görə, gecələr gizlincə, uzanıqlı vəziyyətdə,
ürəyində ibadət etdiyi günləri çox olub, zabitlər namaz qılanlara
təzyiq edirmişlər. O, məzuniyyət vaxtı məscidə getdiyi üçün
cəzalandırılan bir əsgər yoldaşı haqda danışıb: «Səhəri gün zabitlər
çağırdılar o əsgəri, dedilər ki, sən məscidə getmisən, sənin adını
siyahıya salacağıq, təxribatçısan. Amma belə təzyiq bizimçün bir
sınaqdır». F.Hüseynov xidmət etdiyi hərbi hissənin adını açıqlamaq istəməyib. O deyib ki, bir il ərzində onun hüquqları hər gün pozulub. Dini
Etiqad və Vicdan Azadlığı Mərkəzinin sədri İlqar İbrahimoğlu deyib ki,
Fəxri kimi əsgərlər Azərbaycanda çoxdur, əsgərlərin Konstitusiyada
nəzərdə tutulan hüquqları kobud surətdə pozulur: «Bununla bağlı
məlumatları biz araşdırırıq, amma təəssüf ki, Azərbaycanda əsgərin öz
komandirindən açıq-aşkar şikayət etməsi müşkül məsələdir, şikayətlər
rəsmi olmur deyə, biz də hökumətə müraciət edə bilmirik». Müdafiə
Nazirliyinin mətbuat xidmətinin rəhbəri Eldar Sabiroğlu isə deyib ki,
orduda namaza qadağa yoxdur: “Belə bir şey yoxdur, şayiədir, insan
hüquq və azadlıqlarına aid olan heç bir şeyə orduda qadağa qoyulmur”. Parlamentin
Müsavat deputat qrupundan olan üzvü, Təhlükəsizlik və Müdafiə
Komitəsinin üzvü deputat Pənah Hüseyn də deyib ki, orduda namaza
qeyri-rəsmi şəkildə qadağa var, özü də bu, axır vaxtlar ölkədə dini
təriqətlərin aktivləşməsindən sonra başlayıb. Bir neçə il əvvələ kimi
Azərbaycanda hətta hərbi hissələrdə namaz otaqları da var idi: «Rus
ordusunda ayrıca keşiş ştatı var, bu məsələ qanunvericilikdə də nəzərdə
tutulub. Azərbaycanda isə belə bir ənənə yoxdur, qanunvericilik də bunu
tənzimləmir, amma qadağa da yoxdur, yəni qanunda bu sahədə boşluq var».
Amma P.Hüseyn əlavə edib ki, Konstitusiyada nəzərdə tutulmuş dini
etiqad və vicdan azadlığı bütün vətəndaşlara şamil olunmalıdır. Cavid TURAN
Bölmə: Ölkə Xəbərləri | Əlavə etdi: Selef
| Baxılıb: 1027 | Tarix: 21.11.2024
salam aleykum wexsen men en sayli h/h de manqa komandiri vezifesinde xidmet etmiwem,2007-2008_ci ilde bizim hissede ibadet etmeye qadagalar qoyulmuwdu,ve dini diskler, kitablar,ve.s dine aid olan her ne var idise bizden alirdilar. Biz sebeb soruwanda deyirdilerki dini ayri seckilik ordunu mehve surukleyer,mene wexsen deyilmiwdiki,sene ibadet etmeye izin versek sabah saqqalda saxlamaq isteyeceksen. Burda vahabiliyi yayacaqsan. Onlar mene izin vermesede men ibadetimi etdim. Onlarin diliyle desek vahabiliyide yaydim.
Yalnız qeydiyyatdan keçmiş istifadəçilər şərh əlavə edə bilər. [ Qeydiyyat | Giriş ]
| Baxılıb: 1027 | Tarix: 
