Ana Səhifə » 2012 » İyul » 11 » Yusif Estes 2012-ci ilin müsəlman şəxsiyyəti seçilib...
Yusif Estes 2012-ci ilin müsəlman şəxsiyyəti seçilib...
22:29
Tanınmış amerikalı dəvətçi bu ada İslamın əsl imicinin yayılmasındakı xidmətlərinə görə layiq görülüb.
“Selef.my1.ru” xarici KİV-ə istinadən bildirir ki, tanınmış amerikalı dəvətçi Şeyx Yusif Estes Birləşmiş Ərəb Əmirliklərinin XVI Dubay Beynəlxalq Müqəddəs Quran Mükafatı Təşkilatı Komitəsi tərəfindən 2012-ci ilin müsəlman şəxsiyyəti seçilib.
Təşkilatın sədri İbrahim Bümelhə Estesin İslam dininin dünyada yayılmasındakı və onun əsl imicinin formalaşdırılmasındakı xidmətlərinə görə belə bir mükafata layiq görüldüyünü deyib. Bümelhə Şeyx Estesin fəaliyyəti ilə İslama, müsəlmanlara və ümumilikdə bütün bəşəriyyətə xidmət etdiyini bildirib.
Tanınmış dəvətçinin xüsusilə gənc müsəlmanlar tərəfindən sevildiyini deyən təşkilat sədri sözügedən mükafata əvvəllər tanınmış alim Şeyx Məhəmməd Mütəvəlli Şəravi, BƏƏ lideri Şeyx Xəlifə ibn Zayed əl-Nəhyan və digərlərinin layiq görüldüyünü bildirib.
Məlumat üçün deyək ki, 1944-cü ildə anadan olan Şeyx Yusif Estes İslamı 1991-ci ildə qəbul edib.
| Baxılıb: 470 | Tarix: 
