Ana Səhifə » 2012 » İyul » 14 » Türkiyə Əqsa məscidində dini tədris işinə başlayıb
Türkiyə Əqsa məscidində dini tədris işinə başlayıb
10:34
“Mirasımız” dərnəyi müqəddəs məkanda tədris işinə başlayıb.
“elef.my1.ru” xarici KİV-ə istinadən bildirir ki, Türkiyənin “Mirasımız” dərnəyi Fələstinin Əqsa məscidi ətrafında dərs “halqa”ları qurub. Dərnəyin sədri Məhəmməd Dəmirçi bununla həm təhrikçilərin qarşısını aldıqlarını, həm də ənənəni davam etdirdiklərini deyib.
350 fələstinli tələbənin İsrailin məhv etmək istədiyi Əqsa məscidinin dəhlizini elm yurduna çevirdiyini deyən Dəmirçi dərslərdə iştirak hər yaş qrupundan olan şəxslərin təqaüdünün və müəllimlərin maaşının tərəflərindən ödənildiyini qeyd edib.
Dərnək sədri Əqsa məscidində yaradılan dərs halqalarında Qurani-Kərim, təfsir, fiqh, əqidə və digər islam elmlərinin tədris olunduğunu bildirib. Halqaların Əqsa məscidinin dəhlizində turistlərin sıx ziyarət etdiyi Məğrib qapısının yaxınlığında təşkil olunduğunu deyən Dəmirçi dərslərin aralarında məscidin imamı İkrimə Səbrinin də olduğu 15 alim tərəfindən verildiyini vurğulayıb.
Hər bir tələbəyə 100 dollar təqaüd ayırdıqlarını bildirən “Mirasımız” dərnəyinin sədri məqsədlərinin Əqsa məscidinin sahibsiz olmadığını işğalçı rejimə nümayiş etdirmək və növbətçi funksiyasını yerinə yetirməkdir.
Dərnək sədri yaxın gələcəkdə 3 min fələstinli tələbəyə dərs verməyi planlaşdırdıqlarını bildirərək, elm yurdunda tələbələrin qadın və ya kişi olmasına fərq qoyulmadığını deyib.