Ana Səhifə » 2012 » İyul » 29 » Türkiyənin İHH təşkilatı Arakan müsəlmanlarına humanitar yardım göndərib (VİDEO)
Türkiyənin İHH təşkilatı Arakan müsəlmanlarına humanitar yardım göndərib (VİDEO)
16:50
Türkiyənin Din İşləri Nazirliyi ölkədə Myanmar müsəlmanlarına yardım kampaniyası başladıb.
“Selef.my1.ru” xarici KİV-ə istinadən bildirir ki, Myanmarda buddist zülmündən qaçaraq, Banqladeşə sığınan Arakan müsəlmanlarının imdadına Türkiyənin İnsan Haqq və Hürriyyətləri (İHH) təşkilatı və “Sədaqət Daşı” dərnəyi yetişib.
Belə ki, sözügedən təşkilatların ərzaq yardımı Banqladeşdəki qaçqın düşərgələrinə sığınan müsəlmanlara çatıb. Daha əvvəl düşərgədə məskunlaşan qaçqınlar üçün su quyuları açan İHH Ramazan ayı münasibətilə müsəlmanlara ərzaq yardımı göstərib.
Yardımları qəbul etmək üçün ötən gecədən növbəsini gözləyən Arakan müsəlmanları göstərilən qayğıdan dolayı türkiyəli xeyriyyəçilərə təşəkkürlərini bildiriblər. Növbədə günlər boyu isti yeməkdən məhrum qadınlar, uşaqlar və yaşlılar leysan yağışı altında yardımları qəbul ediblər.
Bu arada Türkiyə Din İşləri Nazirliyi ölkədə Myanmar müsəlmanlarına göndərilməsi üçün yardım kampaniyası başladıb. Ramazan ayı boyu davam edəcək kampaniya çərçivəsində vətəndaşlar fitrə və zəkatlarını Arakan müsəlmanlarına göndərə biləcəklər.
Kampaniya zamanı ölkənin bütün məscidlərində cümə namazlarından sonra myanmarlı müsəlmanlar üçün fitrə və zəkat toplanacaq.