1- Allahı qoru, Allah da səni qorusun. Allahı qorusan, Onu qarşında taparsan. İstədikdə, yalnız Allahdan istə, kömək dilədikdə, yalnız Allahdan kömək dilə. Bil ki, insanlar sənə fayda vermək üçün bir yerə toplansalar, Allahın yazdığından başqa bir şeylə sənə fayda verə bilməzlər. Həmçinin sənə zərər vermək üçün bir yerə toplansalar, Allahın sənə qarşı yazdığından başqa bir şeylə sənə zərər verə bilməzlər. Qələmlər qaldırılmış, səhifələr qurumuşdur. (Tirmizi, 2516, Albani, Səhih əl-Cəmi, 7834) 2- Qəlbin ancaq Allahı zikr etməklə rahatlıq tapar! “O kəslər ki, Allaha iman gətirmiş və qəlbləri Allahı zikr etməklə rahatlıq tapmışdır. Bilin ki, qəlblər ancaq Allahı zikr etməklə rahatlıq tapır.” (Rad surəsi, 28) 3- Allaha təvəkkül et! Bütün işlərini Allaha həvalə et, Onun hökmü ilə razılaş, Ona sığın, Ona güvən. Allah sənə yetər. Kim Allaha təvəkkül edərsə, Allah ona kifayət edər. Şübhəsiz ki, Allahın əmri haqdır və Allah hər bir şeyin qədərini yazmışdır! 4- Bu günün işini sabaha qoyma! 5- Günahlardan həzər et! Çünki günah- dərdin və sıxıntının qaynağıdır. Çünki günah – fəlakətin səbəbkarı və müsibətin qapısıdır. 6- Uca Allahın bu ayəsi haqda düşün:“Sözsüz ki, hər çətinliyin ardınca asanlıq gəlir. Sözsüz ki, hər çətinliyin ardınca asanlıq gəlir. (Şərh surəsi, 5-6)” Bir çətinlik iki asanlığa qalib gələ bilməyəcəkdir. 7- Cəsur, ürəkli, nəfsi sabit, böyük himməli və əzmkar ol! (Himmə- yəni, qarşıdakı çətinlikləri asan görmək, qətiyyətli olmaq!) 8- Valideynlərlə gözəl davran, onlara yaxşılıq et. Bu səadətin qapısıdır. Bundan istifadə et, sıxıntıdan qurtul! 9- Bil ki, narahatçılığın əsas səbəbi – tərəddüd etmək və qərarsız olmaqdır! İstixarə et və müşavirə etdikdən sonra əzm ilə qərarını ver! 10- Sıxıntı anında edilən duanı əzbərlə: - Lə iləhə illəllahul Azimul Həlim. Lə iləhə illəllahu Rabbil Arşil Azim. Lə iləhə illəllahu Rabbus-səməvati və Rabbul Ardi va Rabbul Arşil Kərim. Tərcüməsi: - Əzəmətli və Həlim olan Allahdan başqa ibadətə layiq haqq məbud yoxdur. Ərşin əzəmətli Rəbbi olan Allahdan başqa ibadətə layiq haqq məbud yoxdur. Göylərin Rəbbi, Yerin Rəbbi və Ərşin Səxavətli Rəbbi olan Allahdan başqa ibadətə layiq haqq məbud yoxdur! (Buxari, 7/153; Muslim, 4/2092) 11- Bil ki, əsl səadət zəngin olmaqda, mal və qızılda deyildir. Əsl səadət ancaq dində, elm və ədəbdədir! 12- Quran oxuyanlardan ol! Çünki Quran oxuyan sıxıntıdan şikayətçi olmaz. Hər şeydən bezməz, sıxılmaz və bekar olmaz! 13- Vaxtını zay etmə, tövbəni sabaha saxlama, hər bir insana güvənmə, valideyn haqqını tapdalama və sirrini heç kəsə danışma! 14- Allahdan bağışlanma dilə! Çünki istiğfar – qəm-qüssəni, sıxıntını aparar, qıfılları açar, qəlbi genişləndirər.
| Baxılıb: 2721 | Tarix: 
