Şimali Kiprdə hər universitetin bir məscidi olacaq
11:37
Ali təhsil ocaqları öz məscidlərinə qovuşur.
“Selef.my1.ru” xarici KİV-ə istinadən bildirir ki, Şimali Kipr Türk Respublikasında fəaliyyət göstərən hər bir ali təhsil ocağının öz məscidi olacaq. Artıq Yaxın Şərq və Şərqi Akdeniz universitetləri üçün məscid inşa edilməsi barədə qərar qəbul olunub.
Mövzu ilə bağlı xəbərlərdə Şərqi Akdeniz universiteti üçün inşa ediləcək məsciddə 700 nəfər ibadət edə biləcək. Məscidlə yanaşı, ərazidə İslam Mədəniyyət Mərkəzinin də tikiləcəyi bildirilib. Universitetin rektoru Abdullah Öztorpaq açıqlamasında layihənin müəssisədə təhsil alan tələbələrin ehtiyacları nəzərə alınaraq, həyata keçirildiyini qeyd edib. Öztorpaq universitetdə təhsil alan 13 min tələbədən 12 mininin müsəlman olduğunu da bildirib.
Paytaxt Leftkoşada yerləşən Yaxın Şərq universiteti nəzdində tikiləcək məscidin isə 20 min tələbənin ibadət ehtiyacını qarşılayacağı xəbər verilir. Universitetin qurucu rektoru Suat Günsəl məscidin ölkədə ən böyük ibadət məkanı olacağını deyib.
| Baxılıb: 595 | Tarix: 
