Allah Subhənahu və Təala Onlarin hər birindən razi olsun ! Onların hamısı əshabə olmaq şərəfinə nail olmuşlar, öz ardıcıllarına çatdırdıqları parlaq şəriətə sədaqətli idilər. Bu şəriəti həmin ardıcıllar özündən sonrakılara çatdırdılar və nəsilbənəsil ötürüldü və Allahu Subhənahu təalanın himayəsi və nəzarəti sayəsində tam bir şəkildə bizə gəlib çatdı. «(İslamı) ilk əvvəl qəbul edib (bu işdə başqalarından) irəli düşən mühacirlərə və ənsara, həmçinin yaxşı işlər görməkdə onların ardınca gedən kimsələrə gəldikdə, Allah onlardan, onlar da Allahdan razıdırlar. (Allah) onlar üçün əbədi qalacaqları, (ağacları) altından çaylar axan cənnətlər hazırlamışdır. Bu, böyük qurtuluşdur (uğurdur)» (ət-Tövbə, 100). “Əshabələrimə Allah kömək olsun. Məndən sonra onlara qərəzlə yanaşmayın. Onlara məhəbbət bəsləyənlərə mənim məhəbbətim olar. Onlara nifrət edənlərə mənim nifrətim çatar. Onları incidən, elə bil ki, məni incitmişdir. Məni incidən Allah təalanı incitmiş olur. Allahı incidən isə tezliklə öz cəzasına çatar” (ət-Tirmizi, İbn Hibban, əs-Suyuti, «əl-Camiu əs-səğir» 1/54). 1. Abbas ibn AbdulMuttalib — Peyğəmbərimizin (səllallahu aleyhi və səlləm) əmisi 2. Abbas ibn Ubadə — Ənsarın mühaciri deyə tanınan səhabə 3. Abdullah ibn Abbas — Təfsir alimlərinin şahı (Küfə əhlinin şeyxi) 4. Abdullah ibn Amr ibn As — Hədis yazma ilə məşhur səhabə 5. Abdullah ibn Cəld — Mədinəli ilk Müsəlmanlardan 6. Abdullah ibn Cəhş — İslamda təyin olunan ilk əmir 7. Abdullah ibn Ümmi Məktum — Peyğəmbərimizin (səllallahu aleyhi və səlləm) müəzzinlərindən 8. Abdullah Əbu Cabir — Şəhid olduqdan sonra Allahın hüzuruna çağırıb, danışdığı səhabə. 9. Abdullah ibn Hənzələ — Mələklərin yuduğu səhabənin oğlu 10. Abdullah ibn Huzafə — Rəsulullahın (səllallahu aleyhi və səlləm) elçilərindən 11. Abdullah ibn Məsud — Qurani Kərimi aşkardan oxuyan ilk səhabə 12. Abdullah ibn Ömər — Ən çox hədis bilən səhabələrdən 13. Abdullah ibn Revaha — Rəsulullahın (səllallahu aleyhi və səlləm) şairi 14. Abdullah ibn Səlam — Tövratda Rəsulullahın (səllallahu aleyhi və səlləm) əlamətlərini görüb Müsəlman olan səhabə 15. Abdullah ibn Süheyl — Bədirdə atasına qarşı döyüşən səhabə 16. Abdullah ibn Zübeyr — Mədinədə mühacirlərdən ilk doğan səhabə 17. AbdurRəhman ibn Auf — Cənnətlə müjdələnilən on səhabədən biri Rasulullaha (səllallahu aleyhi və səlləm) namazda imamlıq etmiş yeganə səhabə 18. Amr ibn As — Məşhur Ərəb dahilərindən 19. Asam bin Sabit — Arıların qoruduğu səhabə 20. Bəra ibn Azib — Qiblənin dəyişdiyini xəbər verən səhabə 21. Bəşir ibn Sad — Əbu Bəkirə (radiyallahu anhu) ilk beyət edən səhabə 22. Bilal Həbəşi — Peyğəmbər (səllallahu aleyhi və səlləm) müəzzini 23. Əbu Rəfi — Peyğəmbər (səllallahu aleyhi və səlləm) azatlı kölələrindən 24. Əbu Sufyan ibn Həris — Peyğəmbərimizin (səllallahu aleyhi və səlləm) süd qardaşı 25. Abdullah b. əl-Ərkam — Peyğəmbərin (səllallahu aleyhi və səlləm) katibi 26. Əbu Hureyrə — Ən çox hədisi rəvayət edən səhabə 27. Əbu Katədə — Rəsulullahın (səllallahu aleyhi və səlləm) süvarilərindən 28. Əbu Lubabə — Tövbəsi ilə məşhur səhabə 29. Əbu Bəkr əs-Siddiq — Peyğəmbərlərdən sonra insanların ən üstünü 30. Əbu Müsəl-əş-Ari — Qurani Kərimi ən yaxşı oxuyan səhabələrdən 31. Əbu Səid əl-Xudri — Ən çox hədis rəvayət edən yeddi səhabədən biri 32. Əbu Sinən ibn Vəhb — Ridvan beyətində Rasulullaha ilk beyət etmiş səhabə 33. Əbu Sələmə ibn Abdul-Əsəd — Mədinəyə tək başına hicrət edən səhabə 34. Əbu Ubeydə ibnul-Cərrah — Cənnətlə müjdələnən səhabə 35. Əbu Dərda — Qazılıq edən səhabələrdən 36. Ənəs ibn Malik — Rəsulullahın (sallallahu aleyhi va səlləm) xidmətçisi 37. Əsad ibn Zürarə — Cahiliyyə dövründə də tək bir Allaha inanan səhabə 38. Həccac ibn İlat — Məkkəli səhabələrdən 39. Həfsə bint Ömər — Peyğəmbərin (səllallahu aleyhi və səlləm) xanımlarından 40. Xədicə bint Xuveylid — İslamı ilk qəbul edən kəs 41. Xaliq ibn Valid — Allahın qilinci ləqəbi ilə tanına Səhabə 42. Həmzə ibn AbdulMuttalib — Peyğəmbərin (səllallahu aleyhi və səlləm) şəhidlərin seyidi adlandırdığı səhabədir 43. Hənzələ ibn Əbu Amir — Mələklərin yuduğu səhabə 44. Hasan ibn Sabit — Peyğəmbər (səllallahu aleyhi və səlləm) şairlərindən 45. Huzeyf ibn Yəmən — Peyğəmbərimizin (səllallahu aleyhi və səlləm) münafiqlərin adlarını bildirdiyi yeganə səhabədir. 46. Həsən, Huseyn — Cənnətdəki cavanlar arasında ən hörmətli olanlar 47. Huzeymə ibnus-Sabit — Şahidliyi iki kişinin şahidliyinə bərabər olan səhabədir 48. İmran İbn Huseyn — Mələklərlə danışan Səhabə 49. Maymunə bint əl-Haris — Peyğəmbərin(səllallahu aleyhi və səlləm)xanımı 50. Mikdad ibn Esved — Rəsulullahın (səllallahu aleyhi və səlləm) süvarilərindən Ardı var… Hazirladi : Abdul-Azim Salafy
| Baxılıb: 930 | Tarix: 
