Ana Səhifə » 2012»İyul»27 » Ramazan ayında Dubayda turistlərə islamdan mühazirələr oxunacaq
Ramazan ayında Dubayda turistlərə islamdan mühazirələr oxunacaq
10:07
Əmirlik ölkəyə gələn turistlərə islam dəyərlərini təbliğ etmək üçün mühazirələr keçirir.
“Selef.my1.ru” Rusiya mətbuatına istinadən bildirir ki, Birləşmiş Ərəb Əmirliklərinə gələn turistlərə islam dəyərlərinin təbliği məqsədilə Ramazan ayı ərzində seminar və mühazirələr təşkil olunur.
21 iyul - 19 avqust tarixlərində keçiriləcək “Əmirliklərdə Ramazan” adlı kampaniya çərçivəsində İslamın müqəddəs kitabı Quranın öyrənilməsi üçün kurslar təşkil olunacaq, eləcə də kütləvi iftar süfrələri açılacaq. Habelə kampaniya çərçivəsində ölkəyə gələn turistlərin Ramazan abı-havasından xoş təəssüratlar almaları üçün şəhərlərin ticarət mərkəzlərində dini mahnılar ifa ediləcək.
Kampaniya təşkilatları “Əmirliklərdə Ramazan” tədbirlərində azyaşlıları da yaddan çıxarmadıqlarını və uşaqlar üçün “Möcüzələr aləmi” adlı əyləncə şəhərciyinin yaradıldığını bildiriblər.
Mövzu ilə bağlı xəbərlərdə mübarək ay ərzində ticarət mərkəzlərinin, restoran və mağazaların gecə yarısınadək açıq qalacağı da qeyd olunub.
| Baxılıb: 568 | Tarix: 
