Ana Səhifə » 2012 » İyul » 5 » Myanmarda müsəlman qızlar cinsi zorakılığa məruz qalmamaq üçün ölümü seçirlər...
Myanmarda müsəlman qızlar cinsi zorakılığa məruz qalmamaq üçün ölümü seçirlər...
10:22
Başda İslam dünyası olmaqla beynəlxalq ictimaiyyət Myanmardakı müsəlman qətliamına göz yumur.
“Azerimuslims.com” xarici KİV-ə istinadən bildirir ki, Myanmarda başda islam dünyası olmaqla bütün dünyanın reaksiya nümayiş etdirmədiyi Myanmar hadisələrində evlərini tərk edərək, qaçqın vəziyyətinə düşən müsəlmanların sayı 700 mini ötüb.
Xarici KİV-də dərc olunan xəbərlərdə Myanmarda ötən ay başlayan müsəlmanlara qarşı zorakılıq davam edir. Belə ki, xəbərlərdə artıq evlərini tərk edərək, qaçqın vəziyyətinə düşən myanmarlı müsəlmanların sayının 700 mindən çox olduğu bildirilib.
Türkiyə mətbuatı bir çox müsəlman myanmarlı qızın cinsi zorakılığa məruz qalmamaq üçün dənizə ataraq, intihar etdiyini yazıb. Bu arada Banqladeşə sığına bilən bir qrup müsəlman qaçqınların həyat şəraitinə dair hesabat hazırlanıb. Hesabatda 700 mindən çox myanmarlı müsəlmanın Banqladeşə sığındığı, BMT-nin Qaçqınlar Agentliyində rəsmi qeydiyyatda isə cəmi 30 min qaçqının olduğu öz əksini tapıb.
Xəbərlərdə Banqladeş rəsmilərinin heç bir əsas olmadan bir çox myanmarlı müsəlman qaçqını həbs etdiyi, minlərlə insanı zorla ölkədən qovduğu bildirilib. Xarici KİV qaçqın düşərgələrini tərk etməkdən çəkinən myanmarlı müsəlmanların yerləşdikləri düşərgələri “açıq həbsxana” adlandırdıqlarını yazıb.
Düşərgələrdəki qaçqınlar arasında bir çox yoluxucu xəstəliklərin yayılmağa başlandığı da xəbərlərdə qeyd olunub.