Diktatura rejimi problemin həllini müsəlmanları qaçqın düşərgələrinə sürgündə görür.
“Selef.my1.ru” Türkiyənin “Sabah” qəzetinə istinadən bildirir ki, Myanmar rejimi ölkənin Raxinə əyalətində yaşayan yüz minlərlə müsəlmanın ölkədən çıxarılması və ya qaçqın düşərgələrinə göndərilmələrini təklif edib.
Dövlət başçısı Teyn Seyn uzun illər eyni torpaqları bölüşdüyü müsəlmanların ölkədən çıxarılmasının problemin həllinə kömək edəcəyini deyib. BMT-nin Qaçqınlarla İş üzrə Ali komissarı Antonio Qutierres ilə görüşən Seyn ölkədə qeyri-qanuni yollarla məskunlaşan müsəlmanların burada daimi qalmasının qeyri-mümkünlüyünü ifadə edib.
Myanmar rəhbəri ölkədəki bir milyondan çox müsəlmanın üçüncü ölkəyə və BMT-nin nəzarətindəki düşərgələrə göndərilməsinin mümkünlüyünü qeyd edib.
BMT-nin müvafiq orqanı isə Myanmar müsəlmanları ilə bağlı belə bir planlarının olmadığını açıqlayıb.
| Baxılıb: 570 | Tarix: 
