Ana Səhifə » 2012»Avqust»8 » Məkkə sammiti Arakan müsəlmanlarının ümid qapısı ola bilər
Məkkə sammiti Arakan müsəlmanlarının ümid qapısı ola bilər
08:35
Rohinya Müsəlmanları Birliyinin Baş katibi müsəlman ölkələri liderlərindən Arakana dair dinə müvafiq qərar qəbul etmələrini istəyib.
“Selef.my1.ru” xarici KİV-ə istinadən bildirir ki, Myanmardakı Arakan Rohinya Müsəlmanları Birliyinin (ARMB) Baş katibi Vəqarəddin Məsiəddin islam ölkələrinin liderlərini Myanmar müsəlmanlarının problemlərini həll etmək və onları kütləvi qətliamdan xilas etmək üçün hərəkətə keçməyə çağırıb.
Baş katib 14-15 avqust tarixlərində keçiriləcək Məkkə zirvəsində Arakana dair konkret və İslama uyğun qərarların qəbul edilməsini tələb edib. Məsiəddin mətbuata açıqlamasında Rohinya xalqının çəkdiyi sıxıntıları və problemin həlli yollarını əks etdirən təfsilatlı planı təqdim edəcəyini deyərək, Məkkə zirvəsində islam ümmətinin mənafeyini təmin edəcək qərarların qəbulunu gözlədiklərini vurğulayıb.
Bu arada Ərəb Parlamentinin (ƏP) sədri Əli Salim əl-Dəkbasi də Myanmarda baş verən hadisələri etnik zəmində qətliam kimi xarakterizə edib. ƏP sədri beynəlxalq insan haqları təşkilatlarını Myanmarda baş verənlərə biganə qalmamağa çağıraraq, cinayətkarların Beynəlxalq Cəza Məhkəməsinə göndərilmələrini tələb edib.
| Baxılıb: 560 | Tarix: 
