Ana Səhifə » 2012 » İyul » 17 » KASIB AİLƏLƏRƏ İFTAR SÜFRƏLƏRİ ÜÇÜN ƏRZAQ YARDIMI
KASIB AİLƏLƏRƏ İFTAR SÜFRƏLƏRİ ÜÇÜN ƏRZAQ YARDIMI
23:23
Cənnəti qazanmaq üçün böyük fürsət olan mübarək Ramazan ayında oruc tutan imkansız qardaş və bacılarımıza öz evlərində iftar süfrələrinə dəstək olmaq üçün, hər il olduğu kimi bu il də ərzaqla yardım aksiyasına start veririk, Allahın izni ilə. Qeyd edək ki, ötən illərdən fərqli olaraq, bu il rayonlara da göndərməyi planlaşdırırıq, inşaAllah.
Bu aksiyaya sədəqə yönəltmək istəyənlər "Ayda 1 manat" aksiyasının nümayəndələrinə çatdıra bilərlər. Ramazan ayında ərzaqları maşını ilə paylamaqda kömək etmək istəyənlər bizimlə əlaqə saxlasın inşaAllah.
(Yalnız bu aksiya ilə bağlı 055 827 37 71 nömrəsi ilə əlaqə saxlaya bilərsiz, inşaAllah.)
Uca ALLAH buyurur:
“ - Onlar öz iştahaları çəkdiyi (özləri yemək istədikləri) halda (və ya: Allah rizasını qazanmaq uğrunda) yeməyi yoxsula, yetimə və əsirə yedirərlər. - (Və sonra da yedirtdikləri kimsələrə belə deyərlər: ) “Biz sizi ancaq Allah rizasından ötrü yedirdirik. Biz sizdən (bu ehsan müqabilində) nə bir mükafat, nə də bir təşəkkür istəyirik. - Həqiqətən, biz Rəbbimizdən, çox sərt (müdhiş), cətin gündən (üzlərin dəhşətdən eybəcər kökə düşəcəyi, çöhrələrin tutulub qaralacağı qiyamət günündən) qorxuruq!” - Allah da onları o günün şərindən qoruyacaq, onlara gözəllik və sevinc bəxş edəcəkdir (üzlərinə təravət verəcək, qəlblərini sevindirəcəkdir). - Və onları etdikləri səbr müqabilində Cənnətlə və (geyəcəkləri) ipəklə mükafatlandıracaqdır” (Qurani Kərim, İnsan surəsi, 8-12).
Peyğəmbərimiz (səllallahu aleyhi və səlləm) deyib:
“Oruc tutana iftar verən onun qədər savab əldə edər, oruclunun savabından isə heç bir şey əksilməz” (Nəsai, səhihdir)