Ana Səhifə » 2012 » İyul » 29 » İsveçdə başıörtülü müsəlmanlar polis işləyə biləcəklər
İsveçdə başıörtülü müsəlmanlar polis işləyə biləcəklər
16:52
İsveç Polis Departamenti qadın polislərin başörtüyü geyinə bilməsi üçün müvafiq tədbirlər görür.
“Selef.my1.ru” Türkiyə mətbuatına istinadən bildirir ki, İsveç Milli Polis Komitəsi (MPK) başıörtülü müsəlman qadınların polis sistemində işə düzələ bilməsi üçün müvafiq layihə hazırlayır.
Xəbərlərdə İsveç MPK-nin bu məqsədlə başörtülü polis uniformasının hazırlanması üçün modelyer İman Aldebe ilə razılığa gəlib. Ölkə mətbuatı hələlik hazırlanma mərhələsində olan uniformanın tünd mavi rəngli ipəkdən olacağını yazıb.
Modelyer Aldebe başıörtülü qadın polislərin xidməti kepkalarını başörtüyünün üzərindən taxa biləcəyini, təhlükəsizlik səbəblərindən dolayı uniformanın başörtüyündə istifadə olunan iynələrsiz hazırlanacağını deyib.
Habelə modelyer polis qadınların geyinəcəyi başörtüklərinin onların eşitməsinə mane olmayacağını da xüsusi qeyd edib. Maraqlıdır ki, İsveçdə hələlik yalnız bir başıörtülü qadın polis sistemində işə düzəlmək üçün müraciət edib.