Ana Səhifə » 2012 » Avqust » 5 » İslamı təbliğ etmək üçün kilometrlərlə yol qət edirlər
İslamı təbliğ etmək üçün kilometrlərlə yol qət edirlər
11:49
Aclıq və yoxsulluğun hər keçən gün artdığı Afrika qitəsində yerləşən Efiopiya xalqı İslamı daha gözəl şəkildə öyrənmək üçün gözəl imkanlara sahibdirlər.
Belə ki, İslamı doğru-dürüst şəkildə təbliğ etmək üçün yüzlərlə gənc kilometrlərlə yol qət edərək, bu ölkəyə gəlirlər. Onlar qaldıqları məscidlərdə dərs verirlər. 80 milyon əhalisi olan Efiopiyada xristianlar və müsəlmanlar sülh şəraitində yaşayırlar. Rəsmi məlumatlara görə, bir neçə il əvvəl əhalinin 35%-i müsəlman olsa da, bu rəqəm xalqın ən çətin yaşadığı hazırkı dövüdə 50%-i təşkil edir. Özlərini “səyyar” adlandıran gənclər xüsusilə Ramazan ayında bu fəaliyyətlərini genişlədirlər. Namazdan sonra boş vaxtlarda bu fədakar gənclər camaata Qurani-Kərim və şəriət dərsləri keçirlər. Bu gənclər arasında ən az yaşlısı isə universitet tələbəsi, 21 yaşlı Yusif Əbdülşəküldür. O, paytaxt Əddis Əbəbədən 350 km uzaqlıqda yerləşən Kofale şəhərində bir məsciddə İslamı təbliğ edir. “İslamı təbliğ etmək və qeyri-müsəlmanlara dinimiz haqda söhbət etmək bizim vəzifəmizdir. Bu səbəbdən də mən müsəlmanlıq vəzifəmi yerinə yetirdiyimə inanıram. Allah rızası üçün xalqla görüşürəm. Bu, vicdanımı çox rahatlaşdırır. Maddi imkanım coğrafiyamızda yaşayan digər insanlar kimi deyil. Ancaq bu iş könüllülüyü sevir. Müsəlmanlarla bir yerdəyik. Axşamlar onların dəvəti ilə yemək yeyirik. Müsəlman olduğumuz üçün iftarı da birgə açırıq. İftardan sonra ya onların evində, ya da məsciddə dərslərə başlayırıq. Burdakı insanlar İslamı düzgün öyrənmək üçün köməyimizə möhtacdırlar. Ya biz, bu dini gözəl şəkildə təbliğ edəcəyik, ya da ki, onlar ətraflarından aldıqları səhv məlumatlarla həyatlarına davam edəcəklər”,-Yusif sözlərinə əlavə edib.