Son 15 gündə yüzlərlə oruc tutan vətəndaş həkimə müraciət edib.
“Selef.my1.ru” xarici KİV-ə istinadən bildirir ki, türkiyəli həkimlər oruc tutan şəxslərin iftar zamanı həddən artıq yemək qəbul etməməli olduğu barədə xəbərdarlıq ediblər. Həkim Sinan İnci son 15 gündə iftardan sonra yüzlərlə vətəndaşın təcili tibbi yardım xidmətinə müraciət etdiklərini deyib.
Türkiyənin Ağsaray Dövlət Xəstəxanasının Kardiologiya şöbəsinin mütəxəssisi dr. Sinan İnci oruc tutanların iftar açarkən həddən artıq yeməməli olduğunu qeyd edib. Həkim iftarda birdəfəyə qədərindən artıq qida qəbulunun ürək çatışmazlığından, şəkər və təzyiqdən əziyyət çəkən vətəndaşlara xüsusilə mənfi təsir göstərdiyini bildirib.
Həkim İnci bu cür xoşagəlməz hallara adətən iftar süfrələrində normadan artıq duzlu və şəkərli yemək qəbulunun səbəb olduğunu vurğulayaraq, belə olan halda ürəyin fəaliyyətinin 20%-dən artıq ağırlaşdığını qeyd edib.
Tanınmış kardioloq bəzi oruc tutanların iftardan dərhal sonra siqaret çəkmələrinin onlarda infarkt riskini artırdığını deyib. Türkiyəli həkim oruc tutan vətəndaşların iftar vaxtı əvvəlcə xurma, çay və şorba kimi yüngül yeməklərlə qidalanmalarını, aradan müəyyən müddət keçdikdən sonra həddən artıq olmamaq şərti ilə digər yeməkləri yeyə biləcəklərini vurğulayıb.
| Baxılıb: 618 | Tarix: 
