Fransada oruc tutmaq işdən qovulmaq üçün “haqlı” səbəbdir.
“Selef.my1.ru” Türkiyə mətbuatına istinadən bildirir ki, Fransanın Gennevilliers bələdiyyəsi Ramazan ayında oruc tutduğuna görə iki müsəlman təlimçini işdən kənarlaşdırıb. Müvafiq qərarda təlimçilərin oruc tutmalarının uşaqların təhlükəsizliyini təmin etmələrinə imkan verməyəcəyi ilə əlaqələndirilib.
Bələdiyyənin açıqlamasında müsəlmanlar işə qəbul edilərkən oruc tutulmamasına dair bəndin də əks olunduğu əmək müqaviləsini imzaladıqları bildirilib. Habelə açıqlamada qaydalarda təlimçilərin uşaqlarla birlikdə yemək yeməli olduğu açıq şəkildə öz əksini tapdığı, müsəlman işçilərin isə müqavilənin müvafiq bəndlərini pozduqlarının müəyyən edildiyi vurğulanıb.
Gennevilliers bələdiyyəsinin nümayəndəsi Nikol Varet 3 il əvvəl oxşar vəziyyətlə üzləşdiklərini, belə ki, həmin zaman oruc tutan müsəlman təlimçinin idarə etdiyi avtomobilin qəzaya uğraması nəticəsində bir neçə azyaşlının yaralandığını deyib.
Müsəlman təlimçilərin vəkili Mohand Yanat isə hüquqlarını müdafiə etdiyi şəxslərin işdən çıxarılmalarını başa düşə bilmədiklərini, belə ki, mənsub olduğu dinin buyruğunu yerinə yetirmənin insanın bacarıqlarına nə kimi mənfi təsir göstərəcəyinin maraq doğurduğunu ifadə etdiklərini deyib.
Fransa Müsəlman Şurası İslamofobiya Hücumları Araşdırma Komissiyasının sədri Abdullah Zəkri də Gennevilliers bələdiyyəsini ayrı-seçkilikdə ittiham edib. Xəbərlərdə Fransadakı müsəlman dərnəklərinin qərar etiraz məqsədilə Gennevilliers bələdiyyə binasının qarşısında aksiya keçirəcəyi bildirilib.
| Baxılıb: 606 | Tarix: 
