Amerikalı alimlərin araşdırmaları belə deməyə əsas verir.
“Selef.my1.ru” Rusiya mətbuatına istinadən bildirir ki, ABŞ alimlərinin apardıqları klinik araşdırmalar nəticəsində dua etməyin alzeymer xəstəliyinin inkişafını 50% ləngitdiyi aşkar olunub.
Prof. Rivka İnzelberq yerli tibb jurnallarından birinə müsahibəsində apardıqları sınaqlar zamanı mütəmadi dua edən qadınların alzeymer xəstəliyindən qorunduqlarının sübuta yetirildiyini deyib. Duanın bir növ fəal düşünmə prosesi olduğunu qeyd edən İnzelberq istənilən intellektual fəallığın beynin işinə müsbət təsir göstərdiyini bildirib.
“Təcrübədə iştirak edən qadınların 60%-i gündə 5 dəfə dua etdikləri halda, qalan 40% ara-sıra dua ediblər. Nəticədə biz mütəmadi dua edən qadınların alzeymer xəstəliyindən 50% qoruna bildiyini sübut etdik”, - deyə prof. İnzelberq vurğulayıb.
Bununla belə amerikalı həkim təcrübələr zamanı anoloji halın kişilərdə müəyyən edilmədiyini deyib. İnzelberq sınaqda iştirak edən kişilərin 90%-nin gündəlik dua etməsinə baxmayaraq, onların sağlamlıqları və dua arasında əlaqə qura bilmədiklərindən təəssüflənib.
Məlumat üçün deyək ki, 2005-ci ildə alimlər dini həyat tərzi keçirən insanların neyropozucu xəstəliklərə daha az yoluxduğunu müəyyən etmişdilər.
| Baxılıb: 1040 | Tarix: 
