Ana Səhifə » 2012»İyul»27 » Avropada müsəlmanların ən böyük düşməni siyasətçilərdir
Avropada müsəlmanların ən böyük düşməni siyasətçilərdir
10:10
Avropa Şurası İnsan Haqları üzrə komissarı Nils Müiznieks belə deyib.
“Selef.My1.ru” Türkiyənin “Zaman” qəzetinə istinadən xəbər verir ki, Avropa Şurası (AŞ) insan hüquqları komissarı Nils Müiznieks Avropa Birliyi (AB) ölkələrindəki müsəlmanların bilavasitə həmin ölkə hökumətləri tərəfindən hədəfə çevrildiyini bildirib.
Müiznieks yazılı açıqlamasında son 10 ildə AB ölkələrində inteqrasiya məsələsinə dair qəbul olunan qanun layihələrinin müsəlmanların cəmiyyətdən daha da kənarlaşdırılmasına səbəb olduğunu vurğulayıb.
İslam və mühacir əleyhinə çıxışların təhlükəli səviyyəyə yüksəldiyini ifadə edən AŞ komissarı AB ölkələrinin irqçiliyə və dözümsüzlüyə qalib gəlməsi üçün ərəb kimi “Avropa baharı”nı həyata keçirməli olduğunu deyib. Almaniyanın Baş naziri Ancela Merkelin və Fransanın sabiq prezidenti Nikola Sarkozinin çoxmədəniyyətliliyin iflas etdiyinə dair sözlərini də tənqid edən Müiznieks Avropada heç bir ölkənin çoxmədəniyyətli həyata və mədəniyyətlərarası dialoq cəhdlərinə lazımi dəstəyi vermədiyini qeyd edib.
Avropanın sağçı hökumətlərinin müsəlmanları cəmiyyətdən kənarlaşdırdığını vurğulayan AŞ rəsmisi müsəlmanların inteqrasiya cəhdlərinin qarşısının siyasətçilər və qanunlar vasitəsilə alındığını deyib. Müiznieks Fransa, Belçika və İsveçrə kimi ölkələrdə İslam “qorxusu” məsələsindən yalnız ultra-sağ siyasətçilərin deyil, həmin ölkələrin iqtidarlarının da sui-istifadə etdiyini bildirib.
| Baxılıb: 547 | Tarix: 
