Ana Səhifə » 2009 » May » 7 » MƏSCİDLƏR BAĞLANIR, SÖKÜLÜR, CƏMİYYƏT İSƏ SUSUR
MƏSCİDLƏR BAĞLANIR, SÖKÜLÜR, CƏMİYYƏT İSƏ SUSUR
04:44
Ölkədə məscidlərin bağlanması və
sökülməsinin adi hal alması bizi bu qənaətə gətirir.
Ötən ilin avqustunda “Əbu Bəkr” məscidi bağlandı. Rəsmilər məscidin
müvəqqəti bağlandığını desə də o hadisənin üstündən 8 aydan çox keçib.
Amma məscid hələ də açılmayıb. Bir müddət əvvəl isə Yasamalda Məhəmməd
peyğəmbərin (s.ə.s.) adına tikilən məscid söküldü. Dövlət rəsmiləri
məscidin sökülməsini onun qeyri-qanuni şəkildə tikilməsi ilə
əsaslandırdı. Aprelin
26-da isə türk məscidi kimi tanınan “Şəhidlər” məscidi bağlandı.
Türkiyənin Azərbaycandakı səfirliyindən verilən açıqlamada isə deyilir
ki, məscidin bağlanmasına səbəb təmirə ehtiyacı olmasıdır. Səfirlik
bildirirdi ki, məscidin bir neçə günə açılacağı istisna edilmir. Amma
gözləntilər özünü doğrultmadı. “Şəhidlər” məscidinin bağlanmasından bir
həftə keçib. Onun nə vaxt yenidən istifadəyə veriləcəyi hələ də
bilinmir. Burada diqqəti cəlb edən əsas məsələ cəmiyyətin
məscidlərin bağlanmasına ictimai reaksiyasının sönüklüyüdür.
İctimai-siyasi təşkilatlar ölkə həyatında baş verən istənilən önəmli
hadisə ilə bağlı bəyanat verir, siyasi mövqe bildirirlər. Bu məsələdə
isə susurlar. Bu passivliyin səbəbi nədir? Müsavat başqanının
müavini Mehman Cavadoğlu “Şəhidlər” məscidinin bağlanmasının partiyada
müzakirə olunduğunu söylədi: “Amma məscidin bağlanması ilə bağlı
müxtəlif versiyalar var. Bunun əsl səbəbi aydınlaşdırılandan sonra
partiya buna münasibət bildirəcək”. KXCP təşkilat şöbəsinin rəhbəri
Xəzər Teyyublu dedi ki, “Şəhidlər” məscidinin məhz Ermənistan-Türkiyə
sərhədlərinin açılması ilə bağlı müzakirələrin getdiyi bir vaxtda
bağlanması təmir məsələsini şübhə altına alır: “Məscidin bağlanması
əslində başqa xarakter daşıyır. Hər şeydən öncə isə məscid Allahın
evidir. Onun bağlanmasını günah sayırıq. İnanclı insanlarla bağlı
məsələlərə kövrək yanaşmaq lazımdır. Təmir əvvəlcədən planlaşdırılır.
Ən azı dindarlar xəbərdar olunmalı idi”. Ümid Partiyası sədrinin
müavini Ənvər Ağazadə məscidin təmirə bağlandığını, yaxın gələcəkdə isə
fəaliyyətini davam etdirəcəyini söylədi. Məsələnin siyasi tərəfinə
gəlincə isə Ə.Ağazadə dedi ki, “Şəhidlər” məscidi Türkiyə ilə
Ermənistan arasında münasibətlərin yaxşılaşması üzündən bağlanıbsa, bu,
iki qardaş ölkə arasında münasibətləri daha da gərginləşdirəcək.
Məscidin bu səbəbdən bağlanmasını təsəvvür edə bilmirəm". ADP
sədrinin müavinin Taliyət Əliyev İdarə Heyətinin sonuncu iclasında
“Şəhidlər” məscidinin bağlanması haqda ciddi fikir mübadiləsi
aparıldığını bildirdi: “Əbu Bəkr” məscidinin bağlanması, Yasamaldakı
məscidin sökülməsi və “Şəhidlər” məscidinin bağlanması partiya
tərəfindən vicdan azadlığının boğulması kimi qiymətləndirilib. “Əbu
Bəkr” məscidi bağlananda partiya bəyanat vermişdi. Amma “Şəhidlər”
məscidinin təmir adı ilə bağlanmasına Milli Məclisin sədri Oqtay Əsədov
da, Türkiyənin ölkəmizdəki diplomatik nümayəndəsinin dini işlər üzrə
nümayəndəsi də münasibət bildirib. O gün isə “Yeni Müsavat”da oxudum
ki, Naxçıvanda Heydər Əliyevin iştirakı ilə açılan türk məscidinin
girişinə də kamera qoyulub və məscidə gəlib-gedənlər hüquq-mühafizə
orqanları tərəfindən incidilir. Görünür, nə qədər təkzib edilsə də
Azərbaycanda vicdan azadlığı ilə bağlı problemlər var. Məscidin
dağıdılması milli mentalitetimizlə bir araya sığan hal deyil.
“Şəhidlər” məscidinin təmirə ehtiyacı vardısa, onun indiki halda
bağlanması düşünülməmiş addımdır. Türkiyə-Azərbaycan münasibətlərinə
xələl dəyib. Cəmiyyətdə anti-türk ovqatı yaratmaq istəyən ruspərəst
qüvvələr var". Dini Etiqad və Vicdan Azadlıqlarını Müdafiə
Mərkəzinin rəhbəri Hacı İlqar İbrahimoğlu dedi ki, insanlar istər
Yevlaxda məscidin qəsb olunması, istər “Şəhidlər” məscidinin
bağlanması, istərsə də Yasamalda Məhəmməd peyğəmbər məscidinin
sökülməsi ilə bağlı çox hiddətlidir. İnsanlar hələ də bu hadisələrin
şokunu yaşayır. Məscidin bağlanması ilə bağlı iddialara gəlincə isə
Hacı İlqar dedi ki, bunun səbəbi təmir idisə, insanlar xəbərdar
edilməli idi: “İş yerlərinə yaxın olan insanlar "Şəhidlər" məscidində
ibadət edirdi. Yenicə təmir olunmuş məsciddə hansı təmirdən söhbət gedə
bilər? Təmir məsələsi də olsa, bunu indiki məqamda etmək doğru deyildi.
Bəzi versiyalara görə, məscidin bağlanması Türkiyə-Ermənistan
sərhədlərinin açılması ilə bağlıdır. Bu addım inanclı insanların
hisslərinə həqarətdir. Dinlə bağlı məsələlərdə qeyri-peşəkarlıq nəzərə
çarpır. İnanc, mənəviyyat və əxlaqla bağlı məsələlərə həssas
yanaşılmadığı görünür. İnanca mənəviyyata bu cür münasibət baş alıb
gedərsə, intihar və zorakılıq halları, narkomaniya da artacaq. İnanc
toplumun mənəvi bünövrələrindən biridir. Bütün bu kimi hallar məsələnin
mahiyyətini anlamadan atılan addımlardır".
ALLAHIN EVLÄRINI BIR COX SABABSIZ BÄHANÄLÄRLÄ SÖKÜRLÄR BAGLAYIRLAR ALLAH AZERBAXYCANI BU ISLÄRINÄ GÖRÄ BÄLÄARDAN GORUSUN KAFIR ÖLKÄSINDÄ HÄR ADDIM BASI BIR KILSÄ VAR KÖHNÄDÄ OLSA SÖKMÜRLÄR BAGLAMIRLAR COX YAXSI BAXIRLAR ANCAG BIZDÄ BAHANÄLÄRLÄ SÖKÜRLÄR BAGLAYIRLAR NÄ BILIM BUNLARIN DEYÄSÄN HEC ALLAH GORXUSU YOXDUR GÖZLÄYÄK GÖRÄK INDI HANSI MESCIDI BAGLAYACAGLAR BUNLAR BÜTÜN BIZIM BASIMIZA SUSGUNLUGUMUZDAN GÄLIR RESTORANLARI KAFELÄRI BAGLASAYDILAR BAX NECÄ HARAY SALARDILAR SÖNBÄT MESCIDÄ GÄLÄNDÄ SUSURLAR ALLAH KÖMÄK OLSUN MÖMÜNLÄRÄ NÄ DEYIM COX CÄTINDIR BI VÄZIYYÄT
Yalnız qeydiyyatdan keçmiş istifadəçilər şərh əlavə edə bilər. [ Qeydiyyat | Giriş ]