Ana Səhifə » 2009»Yanvar»12 » Azərbaycan üçün dua edək ki, orada insanlara namaz qılmağa icazə verilsin
Azərbaycan üçün dua edək ki, orada insanlara namaz qılmağa icazə verilsin
23:27
Son
cümə günü İsrailin Fələstinə qarşı təcavüzünə qarşı bütün müsəlmanlar
cümə namazında şəhidlər üçün dua, düşmənə isə bəddua etdilər. Bir gün
öncə isə bütün ərəb telekanallarında debatlar, verilişlər təşkil
edərək, müsəlman ölkələrdə Fələstinə dəstək verilməsi ilə bağlı
fikirlər səsləndirilirdi. Nüfuzlu ərəb telekanalları (“əl-Cəzirə”,
“əl-Arabiyyə”, “əl-Dəlil” və s.) müsəlmanların məsələyə münasibəti
müzakirə olunarkən, Azərbaycana da toxunuldu. Ancaq bir az başqa
formada...
Xüsusilə, “əl-Dəlil” telekanalında cümə
namazları zamanı İsrailə lənət oxunması barədə diskussiya zamanı
iştirakçılardan biri “Biz Azərbaycandakı müsəlman qardaşlarımız üçün
dua edək ki, onlara namaz qılmağa icazə veriılsin” dedi.
İştirakçıların
bu mövqe ilə razılaşması və qarşı mövqenin sərgilənməməsi əslində bizim
aylar öncə yazdıqlarımızın haqlı olduğunu ortaya çıxardı.
Məlumdur
ki, Azərbaycanda din və etiqad azadlığı qorunur və heç kimə namaz
qılmaq qadağası qoyulmayıb. Ancaq bəzi məmurların özlərini göstərmək
istəyi, dindarları sındırmaq cəhdi xaricdə Azərbaycan haqqında mənfi
imicin yaranmasına gətirib çıxarıb.
Azan məsələsindən saqqal
qırxmağa və hicab məsələsinə qədər uzanan prosses zamanı biz bunun
ölkəmizin imicinə zərbə olduğunu və xarici düşmən qüvvələrin bundan
ölkəmizə qarşı istifadə edə biləcəyini yazırdıq. Bu yetmirmiş kimi, bir
müddət məscidlərin həyətində namaz qılınmasına icazə verilməməsi və
dindar-polis gizlənpaç oyununun yaşanması Azərbaycanda müsəlmanlara
qarşı təzyiqin olması imicini ortaya qoyurdu. Dövlət rəhbərliyi bu
mövqedə olmasa da, aşağı ranqlı məmurların özbaşınalığı bu imicin
yaranmasına gətirib çıxardı.
Əminik ki, ərəb telekanallarının
aparıcılarının xatirinə “Əbu Bəkr” məscidinin hələ də absurd iddialarla
bağlı qalması salınsaydı, onlar “Azərbaycan üçün dua edək ki, orada
insanlara namaz qılmağa icazə verilsin” yerinə, “Azərbaycanda müsəlman
məscidləri dağıdılır” bəyanatı verərdilər.
Bu isə bir
gerçəkliyi ortaya qoyur. Biz xarici qüvvələrə özümüz haqqında mənfi
imic yaratmaq imkanı verməməliyik. İki-üç həftə insanları məscidin
həyətində namaz qılmağa qoymamaqla, Azərbaycanın heç bir qazancı
olmadı, ancaq itirdiyi göz qabağındadır.
salam aleykum. Bunlara beyem islam lazimdi? Elbetde yox.Bunlara Azerikaya yalvarmaq,Yəhudi təşkilatlarına xoş olmaqdan ötrü dəridən qabıqdan çıxmaq,əxlaqsızliğı mükəmməl şəkildə təbliğ etmək.Bunlar lazımdır.Məscid dövlət məmurlarına sərf eləmir.Çünki Azərbaycanda çki istehsalı,siqaret,exlaqsızlıq yuvalar,saunalar və s yerlər hamısı ya dövlət məmurlarınındır ya da onların "dabrosu" ilə işlənir.
| Baxılıb: 1313 | Tarix: 
>(
