Peyğəmbər məscidi genişləndirilir: ilk daşı kral Abdullah qoyub
21:20
Məsciddə iki milyondan çox müsəlman eyni vaxtda ibadət edə biləcək.
“Selef.my1.ru” Türkiyənin “Zaman” qəzetinə istinadən bildirir ki, Səudiyyə Ərəbistanının Mədinə şəhərindəki Peyğəmbər məscidinin genişləndirilməsi layihəsinə start verilib.
Ötən il Məkkədə Kəbə evinin genişləndirilməsi layihəsinin ilk təməl daşını atan kral Abdullah Mədinədə Həzrəti Məhəmmədin Rövzeyi-Mütəhhərə adlandırılan qəbrinin yerləşdiyi məscidin genişləndirilməsi üçün prosesi başladıb.
Belə ki, kral Peyğəmbər məscidinin genişləndirilməsi üçün keçirilən mərasimdə simvolik olaraq, ilk daşı yerinə qoyub. Tikinti-genişləndirmə layihəsi başa çatdıqda məsciddə eyni vaxtda iki milyon müsəlman namaz qıla biləcək.
2040-cı ilədək davam etməsi gözlənilən üç mərhələdən ibarət layihənin birinci mərhələsinin sonunda daha 800 min nəfərin məsciddə ibadət etməsi üçün yer açılacaq. Tikinti-inşaat işləri zamnı məscidin ətrafındakı bəzi obyektlərin dağıdılması da nəzərdə tutulub. Obyektlərin və evlərin dağıdılmasına görə isə vətəndaşlara ümumilikdə 6,5 milyard dollar məbləğində təzminat ödəniləcək.
| Baxılıb: 505 | Tarix: 
