Əlhəmdulilləh həmdən kəsiran, tayyibən mubərakən fih, vassalətu vassələmu alə Rasulihil-Kərim, lə nəbiyyə badəhu, vassələmu alə əlihi va əshəbihi əcməin.

Bu mövzunu açmağa bizii vadar edən "əli öpüləcək adamların hüquqlarını qorumaq" deyil!
Mövzunun açılma səbəbi cəhalətdir. Bir müddət əvvəl Pakistanda "təhsil" almış "elm tələbələrin"dən biriylə əl öpmək mövzusunda mübahisəmiz oldu. Müxalifin iddiası həqiqətən ağlasığmaz idi. O, əl öpməyin şirk olduğunu, insanı İslam dinindən ixrac etdiyini söyləyirdi. Bu və bənzəri fikirdə olan bir neçə cahilə də rast gəldikdən sonra bu mövzuya ehtiyac olduğu qərar verdik.

Qissəni zikr etməkdəki məqsədimiz isə, cəhalətin yadırğanması və xilafın mahalının dəqiqləşdirilməsidir. Buna hər zaman ehtiyac var. Çünki, cəhalətlərinə rağmən hər tərəfə "elm saçanlar"ın adətən mübahisə zamanı mübahisənin mahalını müəyyən edə bilmədiklərini görərsiniz. Çünki, güclü zən etdikləri zəif ağılları daha mahal təyin edəcək səviyyədə deyildir.

İxtilafların çözülməsində əsas rüknlərdən birinin "ixtilaf mahalının təyin edilməsi" olduğu halda bunu müəyyən edə bilməyənlərin hər cür xilafdan uzaq durması lazım deyilmi?

Mövzumuzun ana xətləri:

Əl öpmək caizdirmi?
Kimlərin əli öpülür?
Əli öpülənin hökmə təsiri varmı?
Əl Öpməyin təkəbbürə səbəb olması halında hökm dəyişərmi?

Uca Allahdan bu Dini cahillərin təhrif və əhliyyətsizliklərindən qorumasını diləyirik!

Sələf imamlarından Əbu Bəkr Əl Beyhaqi (384–458 h/994–1066 m) "Əl Musannəf" adlı hədis kitabında bu mövzu haqqında dedi:

"Əl öpmək barədə gələn hədislər babı:

13584- .... Abdur Rahman bin Əbi Leyla, Abdullah bin Ömərin ona bir qissə zikr edib belə dediyini nəql etdi: Biz Nəbiyə - sallallahu aleyhi və səlləm – yaxınlaşdıq və onun əlini öpdük.

13585- ..... Təmim bin Sələmədən: Ömər – Allah ondan razı olsun – Şama gəldiyi zaman onu Əbu Ubeydə bin Əl Cərrah – Allah ondan razı olsun – qarşıladı və əlini öpdü. Sonra ağlayaraq uzaqlaşdılar.
(Ziyad bin Fayyad) dedi: Təmim "Əl öpmək sünnətdir" deyərdi."

Qaynaq: Əbu Bəkr Əl Beyhaqi: Əs Sunənul Kubra: 7/163-164
Beyrut: Darul Kutubil İlmiyyə: 1424/2003

Muhaddislərdən Əbu Davud Əs Sicistani (202-275/817-889) "Kitabus Sunən” adlı əsərində deyir:

"Əl Öpmək Babı

"Əhməd bin Yunus – Zuheyr – Yezid bin Əbi Ziyad – Abdur Rahman bin Əbi Leyla:

Abdullah bin Ömər bir qissə zikr etdi və dedi: Biz ona – yəni Nəbiyə - sallallahu aleyhi və səlləm - yaxınlaşdıq və onun əlini öpdük.”