İnsan ilk olaraq müsəlman olmaq niyyəti ilə şəhadət gətirərək İslam çərçivəsinə girir və müsəlman olur. İlk olaraq müsəlman olmaq üçün kəlimeyi şəhadət kifayətdir. Amma İslam tək LƏ İLƏHƏ İLLƏLLAHI tələffüz etməklə qurtarmır buna irəlidə toxunacağıq… Deməli dedik ki, ilk olaraq müsəlman olmaq üçün kəlimeyi şəhadət kifayətdir. Və buna misal olaraq Məs: əgər insan şəhadət gətirərsə, əməl etməyə vaxtı olmazsa (şəhadət gətirib sonra dərhal döyüşə atılan səhabə) və yaxud cahilliyi üzündən əməlin ona vacib olduğunu bilməzsə ( silanın hədisi) və belə halda ölərsə bu LƏ İLƏHƏ İLLƏLLAH ona fayda verəcəkdir. Kitablarda keçən sələflərin (islam kəlimədir) sözündəki hikmət də məhz bundan ibarətdir. Namaz, oruc, zəkat, həcc kimi ibadətlərin ilk şərtinin “müsəlman olması” bu əməllərdən qabaq insanın müsəlman olmasına dəlildir. Yəni insan ilk olaraq müsəlman olur ki, namaz, oruc, həcc də ona vacib olur. Müsəlman olmasaydı bu ibadətlər ona vacib olmazdı. Deməli, kafirə namaz, oruc, həcc vacib deyildir. Çünki bu ibadətlərin vacib olması üçün ən birinci şərt kafirdə yoxdur. Həmçinin şeyxul İslam İbni Teymiyyə buyurur ki, dində zəruri bilinən və ümmətin ittifaq etdiyi məsələlərdəndir ki, insanda İslamın əsli, onlara ən birinci əmr olunan( Əşhədu ənlə iləhə illəllah va əşhədu ənnə muhammədər rasulullah) ilə, yəni kəlimeyi şəhadət gətirməklə olur. Və bununla kafir müsəlmana çevrilir, sonra əgər bunu qəlbdən deyibsə islama girmiş olur. Əgər qəlbdən deyil sadəcə dildən demişsə onun zahiri İslamdı amma daxilində isə iman yoxdur. Şərh aqidətul tahaviyyə 15-ci səhifə. Həmçini Fəthul bəri 1-ci cild 497-ci səhifə. Müsəlman qardaşlar, “Qəlbdən deməmək” yəni İslama girmək məqsədi ilə deyil başqa məqsədlərlə bu kəliməni tələffüz etməkdir. Məs : Münafiqlərin, və yaxud da İslamı araşdıran bəzi kafirlərin mühazirələrində dilləri ilə söylədikləri və yaxud yazdıqları əsərlərdə qeyd etdikləri şəhadət kəlimələri mötəbər sayılmır. İslami qəsd olmadan bu kəliməni demək də etibarlı sayılmır. Necə ki, Peyğəmbərin (Allahın ona salavat və salamı olsun) zamanında Məkkə müşrikləri belə ifadələri çox işlədirdilər : Muhamməd insanları “LƏ İLƏHƏ İLLƏLLAHA” dəvət edir, Muhəmməd bizdən “LƏ İLƏHƏ İLLƏLLAH” istəyir. Diqqət yetirin, əgər qəsd olmadan deyilən LƏ İLƏHƏ İLLƏLLAH ümumən insana fayda vermirsə, necə ola bilər ki, qəsd olmadan edilən şirk insanın LƏ İLƏHƏ İLLƏLLAHINI pozsun. Bu yerdə İmam Qurtubi buyurur : »Bir kafir, imanın küfrdən üstün olduğunu başa düşərək, imanı küfrdən üstün tutmaqla, müsəlman olursa…….bir müsəlman da küfrü bilib və başa düşüb onu seçincəyə qədər ümumən kafir sayılmaz. Təfsirul qurtubi 7-6128 Sual Əgər bir insan İslama girmək üçün cəhaləti üzündən “ Lə iləhə illəllahin” mənasını təfsilatla bilmədən deyərsə bu insanın hökmü nədir? Cavab : Birincisi, Yuxarıda Şeyxul İslamın sözünü qeyd etdiyimiz kimi insanda İslamın əsli kəlimeyi — şəhadətlə gerçəkləşir. İkincisi, təfsilatı ilə bilib bilməməsi insanın qəlbindəki məsələlərdi. Necə ki, Peyğəmbər (Allahın ona salavat və salam olsun) Usaməni (Allah ondan razı olsun) (Sən onun qəlbini yarıb baxdınmı) deyə onu qınayır. Çünki Usamə (Allah ondan razı olsun) öldürdüyü insanın o anda zahiri ilə kifayətlənmir. O anda o insanın zahiri isə islamdı. Üçüncüsü, tövhid və şirk məsələlərində cəhalətin üzür olmasına dair, sünnədə keçən dəlillər, İnsanın cəhaləti üzündən Lə iləhə illəllahı təfsilatla bilmədiyi halda ona müsəlman hökmü verilmısinə sübutdur. InşəAllah Bu dəlilləri ətraflı zikr edəcəyik. Deməli, bizə onu müsəlman kimi görmək ücün ən birinci onun zahiri gətirdiyi şəhadət kifayətdi. Niyə görə burada ən birinci kəliməsini işlədirik çünki islam tək kəlmeyi şəhadəti tələffüz etməklə qurtarmır. Çünki iman qəlblə təsdiq etmək, dil ilə demək, əməllədə isbat etməkdir. Deməli dedik ki, bizə onu müsəlman kimi görmək ücün ən birinci onun zahiri kifayətdi. Və diqqət yetirin zahir isə kəlimeyi şəhadəti tələffüz edərək özünü İslama nisbət etməklə bilinir. Hətta kəlimeyi şəhadəti tələffüz edərək özünü İslama nisbət etməklə yanaşı o insanda cahillikdən şirk olsa belə. Bu məsələni Şeyx Muhəmməd Saleh ibni Useymin (Allah ona rəhmət eləsin) kitəbut Tovhid birinci bab 7-ci məsələnin şərhin də qeyd edir. Ardı var…
| Baxılıb: 628 | Tarix: 
