Baş verən hadisə xarici KİV-in diqqətini cəlb edib.
“Selef.my1.ru” Türkiyə mətbuatına istinadən bildirir ki, Danimarkanın paytaxtı Kopenhagenin müsəlmanların sıx məskunlaşdığı səmtində yeni il şənliyinin keçirilməməsinə dair qəbul edilən qərar etirazlardan sonra ləğv edilib.
Əhalinin 60%-nin müsəlmanlardan ibarət olduğu Kokkedal səmtində xristianlarla yaranan gərginlik xarici KİV-in diqqətindən yayınmayıb. Xəbərlərdə rayon icra rəhbərliyinin keçirdiyi səsvermədə bu il ərazidə yeni ilin qeyd olunmaması barədə qərarın qəbul edilməsinə baxmayaraq, hazırlanan sənəddə yer alan ifadələr gərginliyə səbəb olub.
Belə ki, sənəddə müsəlman çoxluğun Yeni il münasibətilə bayram keçirmək istəmədiyi üçün bu il mərasim keçirilməyəcəyinə dair ifadələrin yer almasının Danimarka mətbuatı tərəfindən təhrikedici formada təqdimi nəticəsində parlamentdə ciddi müzakirələrə gətirib çıxarıb.
Kokkedal rayonunda məskunlaşan türk vətəndaşlar baş verənlərin müsəlman-xristian qarşıdurması kimi qələmə verilməsindən narahatlıqlarını ifadə ediblər. Problemin böyüməsindən sonra müsəlmanların əksəriyyət təşkil etdiyi yerli icra orqanı yeni il münasibətilə rayonda küknar ağacı əkmək məcburiyyətində qalıb.