İranın sabiq prezidenti, fars şovinisti
Məhəmməd Xatəminin prezident işlədiyi dövrdə Güney Azərbaycan
türklərini və İran adlanan yerdə yaşayan talışları təhqir etdiyini
isbatlayan videogörüntülər yayılıb. “BayBak” saytının yaydığı məlumata
görə, videogörüntülərdə Xatəminin tərəfdarları ilə keçirdiyi
qeyri-rəsmi toplantıda türk qadınlarının əxlaqsız, türk millətinin isə
qanmaz olduğunu söylədiyi və buna istehza edərək qəhqəhə ilə güldüyü
görünür.
Eyni zamanda Xatəmi bildirib ki, azərbaycanlılar nə qədər
şəhid versələr də yenə də öz kimliyini unudana qədər əzilməyə
layiqdirlər.
Məlumata görə, Xatəminin bu təhqiramiz mövqeyi Güney
Azərbaycanda qəzəblə qarşılanıb. Təbriz Universitetinin tələbələri
sabiq prezidentin bu ədəbsiz hərəkətlərinə etiraz bəyanatı yayıblar.
Onlar Xatəminin bu hərəkətini fars şovinist rejiminin simasızlığı və
şovinizmi ilə əlaqələndiriblər. Şəhərin bir neçə ruhanisi isə olaya
kəskin etirazını bildirərək Xatəmidən məsələyə izahat gətirməsini tələb
ediblər.
Bundan əlavə, Ərdəbildən olan bir neçə milli fəal və tələbə şəhərin imam-cüməsinə müraciət ediblər.
Xatəminin
bu çirkin davranışı Tehran və Mərənd şəhərlərində də qınanıb. Bir sıra
milli fəal Xatəmiyə qarşı məhkəmə işi açılmayacağı təqdirdə Güney
Azərbaycanda başqa bir may hadisələrinin baş tutacağını bəyan ediblər.
Qeyd
edək ki, türklərin təhqirinin 2006-cı ilin may hadisələrinin ildönümü
ərəfəsində baş verməsi suallar doğurur. 2006-cı ilin mayında “İran”
adlı rəsmi qəzet türkləri tarakana bənzətdiyi üçün Güneydə etirazlar
başlamış və bu da 10-dək insanın ölümü, yüzlərlə soydaşımızın xəsarət
alması ilə nəticələnmişdi.
Cavid TURAN
 |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Baxılıb: 998 | Tarix: 
