Qafqaz Müsəlmanları İdarəsinin rəhbəri Hacı Allahşükür Paşazadə iki
timsah alıb. Bu barədə “Qərbi Azərbaycanın səsi” qəzetinin son sayında
məlumat verilib. Qəzetin iddiasına görə, həmin timsahlar Allahşükür
Paşazadənin Montin qəsəbəsindəki villasının həyətindəki hovuzda
saxlanılır: “Uzunluğu 6-9 metr olan həmin timsahlar Nil vadisinin
heyvanları olmaqla, gün ərzində 16-22 kiloqram ət yeyirlər”. Məlumatda
timsahların şeyxə çox baha başa gəldiyi və xüsusi mühafizə altında
olduğu da qeyd olunur: “Mütəxəssislərin fikrincə, bu heyvanları
Afrikadan tutub ölkəmizə yalnız xüsusi konteynerlərlə gətirmək olar ki,
bu da ən azı 150-200 min dollar xərc tələb edir”. Dünən xəbərin
doğru olub-olmadığını dəqiqləşdirməyə çalışdıq. Hörmətli Şeyxin özü ilə
əlaqə saxlamaq cəhdlərimiz alınmadı. Qafqaz Müsəlmanları İdarəsindən
isə zənglərimizə cavab verən tapılmadı. Onu da xatırladaq ki,
Azərbaycanda tanınmış imkanlı şəxslərin, xüsusən də yüksək vəzifəli
məmurların müxtəlif bahalı heyvanlar saxlaması dəb halını alıb.
İndiyədək dəfələrlə məlumat yayılıb ki, hətta bəzi nazirlər və komitə
rəhbərlərinin şəxsi zooparkları mövcuddur. Bahalı heyvanları olanların
sırasında əksər oliqarxların adı çəkilib. Məsələn, Kəmaləddin
Heydərovun canavarlar və poni cinsli atlar, sabiq nazir Heydər
Babayevin delfin və ekzotik göyərçin növləri saxladığı, Ziya Məmmədovun
pələng və delfin həvəskarı olduğu, Misir Mərdanovun bahalı cins
itlərinin olduğu, Cahangir Əsgərovun Afrikadan müxtəlif növ bahalı
heyvanlar alıb özünə zoopark yaratdığı haqda mətbuatda dəfələrlə
xəbərlər yayılıb. Maraqlıdır ki, bu xəbərlərin heç biri təkzib olunmayıb. Hörmətli
Hacı Allahşükür Paşazadənin timsah saxladığı barədə xəbər doğrudursa,
təəccüb etməli nə isə yoxdur. Şeyxin adını çəkdiyimiz oliqarxlardan
nəyi əskikdir ki?
Tbilisidə cümə məscidının Vaqif adında bir aferıst mollası var öz dediyinə görə diliynnən belini qaşıyır. Mollalığa qədər tullamadığı adam qalmamışdı, amma yenə arağa pul tapa bilmirdi. İndi milyonçu olub. bildiyimə görə allah mollalara meşoklarla pul səpələmir. Məscidin pulunu oğruyur qəbirsanlığı da satır ali təhsili olmayan bir adamı müdir vəzifəsinə kimin təyin etdiyindən Allahşükür Paşazadənin xəbəri yoxdurmu? Allah molla nəsrəddinçilərə rəhmət eləsin. İndi elə yzıçılara ehtiyacımız var.
Yalnız qeydiyyatdan keçmiş istifadəçilər şərh əlavə edə bilər. [ Qeydiyyat | Giriş ]
| Baxılıb: 2065 | Tarix: 
