Hacı İlqar: “Günahkarlar tövbə etməli, inanclı insanlardan üzr istəməli və bir daha təxribatlara yol verməməlidirlər”
“İçərişəhər “Cümə\" məscidində namaz qılan inanclı insanların dini
etiqad azadlığı kəskin şəkildə pozulub\". Bu bəyanatla DEVAMM çıxış
edib. Bəyanatda bildirilir ki, monitorinq qrupunun apardığı
müşahidələr nəticəsində Qafqaz Müsəlmanlar İdarəsinin əməkdaşları
tərəfindən İçərişəhər \"Cümə\" məscidində namaz qılan 100-ə yaxın
inanclı insanın namazı pozulması qeydə alınıb: \"Namaz qıldıqları zaman
onların namaz möhürləri götürülüb, özlərinə də \"fərdi namaz qılmağa
icazə vermirik\" kimi absurd iddialarla qeyri-qanuni qadağalar qoyulub.
Bundan əlavə, namazını davam etmək istəyən insanlar itələnib məsciddən
də çıxarılıb\". Bəyanatda, həmçinin DEVAMM-ın sədri Hacı İlqar
İbrahimoğlunun fikirləri də əks olunub: \"İnanclı insanın namazına
dəxalət edilməsi, özü də Allah evində - onun vicdan azadlığının ən
qəddar şəkildə pozulması deməkdir. Dinimizin nəzərində bu - böyük
günahdır. Eyni zamanda, ölkə Konstitusiyası inanclı insanların
haqlarına birmənalı zəmanət verir və heç kəsin öz maraqlarını rəhbər
tutaraq, insanların fundamental haqlarını - dini etiqad və vicdan
azadlıqlarını tapdalamaq ixtiyarı yoxdur\". Yaranmış vəziyyətdə, baş
verə biləcək yeni təxribatlara yol verilməməsi və baş vermiş olaya
aydınlıq gəlməsi üçün Hacı İlqar inanclı insanlardan bir müddət
İçərişəhər \"Cümə\" məscidinə getməkdən pəhriz etməyi xahiş edib:
\"Yenə də vurğulayıram ki, Allah evi ətrafında yersiz məsələlərin baş
verməsinə yol vermək olmaz. Ona görə, inanclı insanlardan təkidlə xahiş
edirəm ki, bir müddət ibadətlərini məsciddən kənarda, evlərində
qılsınlar. Təxribatlara rəvac vermək olmaz. Heç kəs iddia edə bilməz
ki, onun arxasında namaz qılmayan, namazını fərdi qılan insanın bu
hüququnu pozacaq, möhürünü əlindən alacaq, özünü incidəcək. Günahkarlar
tövbə etməli, inanclı insanlardan üzr istəməli və bir daha təxribatlara
yol verməməlidirlər. Qafqaz Müsəlmanlar İdarəsini günah və hüquq
pozuntusuna yol vermiş əməkdaşlarının hərəkətlərini pisləməsinə və belə
bir biabırçılığın əməkdaşları tərəfindən yol verməsinin qarşısını
almağa çağırırıq\" Pərviz
|