Satanizm - şeytana ibadət Avropa ölkələrində geniş yayılmış
inanclardan biridir. Qərb ölkələrində dini tolerantlıq yüksək səviyyədə
olasa da, bu cərəyan leqal fəaliyyət göstərmir. Doğrudur, Avropada
satanizmlə məşğul olanların əməlində cinayət tərkibi yoxdursa cinayət
məsuliyyəti də daşımırlar.
Bir çox qaynaqlardan əldə
etdiymiz bilgilərə görə satanistliyin başlıca yaranma səbəbi
diqqətsizlikdir. Bu və ya digər səbəbdən diqqətdən yayınan övladlar
özlərini artıq lazımsız hiss edirlər və belə inanclara inanmaqla
boşluğu sanki doldururlar.
Hər hansı qara libaslı varlığa, bəlkə
də Şeytana xidmət edirlər. Pişiyə nifrət edir, insanlarla az əlaqə
qurur vaxtının çox hissəsini qaranlıqda keçirdirlər. Əslində pisliyin
və ya yaxşılığın tərəfdarı deyillər. Eqoist olur həyatdan hər şey
almağa cəhd edir özlərini hər şeyin yaradıcısı hesab edirlər. İnam
onlar üçün ikinci plandadır. Satanistlər yalnız bir şey haqda
fikirləşirlər-ölümdən sonra həyat var və bu həyat yalnız onlara
mənsubdur.
Satanistlər internetdə çox güclü təbliğat aparırlar. Bu
təbliğat nəticəsində onların inancını qəbul edənlərin sayı sürətlə
artır.
Bu inancı qəbul edənlərin arasında yeniyetmə qızlar üstünlük təşkil edir.
Qloballaşma dövründə artıq qonşu ölkələrdə və Azərbaycanda da satanistlərin təbliğatına qoşulanların sayı artır.
Məsələn,
Türkiyədə bu inanca meyil edənlərin sayı böyük sürətlə artır.
Valideynlər çıxılmaz durumda mətbuatdan, hökumətdən kömək istəyib
övladlarının onlara qaytarılmasında kömək istəyirlər.
Məsələn,
Zeynəp Öncəl adlı bir ana iki qızının satanist olduğunu ürək ağrısı ilə
mətbuata açıqlayıb və kömək istəyib. «Qızımın birinin 38 digərinin 19
yaşı var. Ataları öldükdən sonra bir müddət diqqətsiz qaldılar. Bu
zaman ərzində onlarda qəribə dəyişikliklər müşahidə etdim. Qara
geyinir, üzlərini tünd rəngə boyayır hər gecə hara isə gedirdilər. Bir
dəfə izlədim və gördüyüm mənzərə məni şoka saldı. Qızlarım qara örtüklə
mühasirəyə alınmış mağaraya girdilər. Çox qorxdum, qapıdakı tünd
əlbisəli birisindən onları çağırmağı xahiş etdim. Qızlarım çıxıb məni
görüncə döyməyə başladılar. Belə hallar artıq 1 ildir ki mənim başıma
gəlir. Xahiş edirəm övladlarımı əvvəlki normal həyata qaytarın»
Qeyd edək ki, Rusiyada da satanizm geniş yayılıb. Aleksandr Titov
adlı biri dostunun satanistliyə tutulmasını belə xatırlayır. «Dostumun
satanistliyə alüdə olması internetdən başladı. Qəribə saytlara girir,
satanistlər haqda kitablar oxuyur, libasında dəyişiklik edirdi. Əvvəl
onda hər şey normal amma get-gedə sanki başqa insan olurdu və bizdən
uzaqlaşdı».
Azərbaycanda da satanistlər var. Onların say barədə dəqiq məlumat olmasa da internetdə öz təbliğatlarını aparmaları məlumdur.
8-ci
km qəsəbəsində yaşayan və adının çəkilməsini istəməyən bir ana bizə
qızının satanist oluduğunu söyləyib. Qeyd edək ki, əvvəlcə qızın özü
ilə söhbət etməyə cəhd etsə kdə o danışmadı. Amma anası övladının
halına acıyaraq yalnız bunları deyə bildi. «Qızım son 5 ay ərzində çox
qəribə olub. Hamıya qarşı qeyri adi davranır pişikləri görəndə isə az
qalır öldürsün. Demək olar ki, heç kəslə danışmir qapalı mühitdə öz
otağında olur yalnız bir neçə dostu gələnə qədər. Onlardan başqa heç
kəslə ünsiyyət qurmur. Çox vaxt qara geyinir. Otağında qəribə geyimlər
və kitablar mövcuddur.15 yaşlı qız üçün belə rəftar heç də normal
deyil.Onun bu halı hamımızı pərişan edir».
Mövzunu davam etdirəcəyik.
|
| Baxılıb: 1433 | Tarix: 
