Quran göydəki ulduzlar üçün نجم nəcm sözünü işlədərkən beş yerdə dəكوكب kəvkəb kəlməsindən istifadə etmişdir. Ağlımıza bir fikir gəlməkdədir bu kəvkəb kəlməsi ilə planetlər qəsd edilməkdədir və ya planetlərin ulduzlardan ayn olduğunu diqqətə çatdırmaq üçün Allah onlardan " kəvkəb" olaraq bəhs etmişdir. Araşdırdığımız zaman bu iki fikri Quranın dəstəklədiyini görə bilərik. " Kəvkəb" sözünün keçdiyi yerlərə nəzər salaq:"Həqiqətən ən yaxın göy üzünü bir bəzəklə, kəvkəblə bəzədik ( Saffat 6)
Bildiyimiz kimi bizə ən yaxın göy günəş sistemidir. Ən yaxın göyün bəzəkləri də planetlərdir. Ən yaxın göydəki bəzəklərdən bəhs edərkən Qurani-Kərim "nəcm" (ulduz) sözündən istifadə etməmişdir. Məsələn qiyamətin qopması əsnasında kainatın yox olmasmdan bəhs edərkən Quran onların işıqlarının söndürüləcəyini bildirməkdədir. Bu zaman Qurani -Kərim "nəcm" sözünü işlədərək "kəvkəb" sözündən istifadə etməmişdir. Çünki planetlər onsuz da sönükdür. "Ulduzlar söndürülüb silindiyi zaman" ( Mursalat 8) Halbu ki, qiyamətin qopduğu zaman kəvkəblərdən bəhs edərkən onların ipi qopmuş təsbeh dənələri kimi dağılıb səpələnəcəyi bildirilir: "Kəvkəblər saçılıb dağılacağı zaman" (İnfitar 2) Qiyamət qopduğu zaman əsl ulduzlar da dağılıb səpələnəcək. Ancaq bundan bəhs edilərkən kəvkəblərin saçılıb dağılmasını ifadə edən fel işlənməmişdir. Onun yerinə sönərək sökülüb dağılma mənasına gələn bir fel işlədilmişdir : "Ulduzlar dağılıb töküldüyü zaman" (Təkvir 2). Qurani Kərim "Ənam" surəsində İbrahim peyğəmbərin göy cisimlərinə baxaraq Allahın varlığını və birliyini necə dərk etdiyini anlatmaqdadır. İbrahim peyğəmbər növbə ilə əvvəlcə kəvkəbə sonra aya, sonra da günəşə baxaraq bunların doğub batdıqlarını yəni dəyişkənliyə uğradıqlarını görür və dəyişkən olanın ilah olmayacağı qənaətinə gəlir. Bu qissənin nəqli zamanı İbrahim peyğəmbərin gecə onu bürüdükdə bir kəvkəb gördüyü bildirilir və bu zaman nəcm kəlməsi işlədilməmişdir. Bir müddət sonra İbrahim (ə) onun batdığını müşahidə edincə onun tanrı olmadığını anlayır. Günəş ətrafındakı planetlərdən biri də günəş batdıqdan sonra qərb tərəfdən doğan Zöhrə ulduzu adlanan Veneradır. Çox güman ki, İbrahim peyğəmbərin gördüyü bu planetdir. Buna bir dəlil də bildiyimiz kimi ulduzların mövqelərini dəyişmədiyi, planetlərin isə dəyişməsidir. İbrahimin də (ə) gördüyü kəvkəb batdığı üçün onun tanrı olmadığı qənaətinə gəlmişdir. Kəvkəb kəlməsinin Quranda keçdiyi digər yer isə Nur surəsinin 35-ci ayəsidir: "Allah göylərin və yerin nurudur. Onun nurunun misalı içində lampa olan qəndil kimidir. O lampa bir billurun içindədir, o billur da sanki inci kimi parlayan bir kəvkəbdir." Burada inci kimi parlayan nəcm deyilməmiş, xüsusilə kəvkəb deyilmişdir. Çünki incilərin parlaqlığı özündən deyildir. Eynən planetlər kimi işığı əks etdirməklə parlaqlıq qazanırlar. Qurani-Kərimdə kəvkəb kəlməsinin keçdiyi son yer isə Yusuf surəsinin 4-cü ayəsidir: "O zaman ki, Yusuf atasına: "ey ata həqiqətən mən röyamda on bir kəvkəb ,günəş və ayı gördüm, Onlar mənə səcdə etdikləri zaman gördüm." demişdi" Yusuf peyğəmbərin yuxusu surənin sonunda belə gerçəkləşməkdədir: Yusufun atası, anası və on bir qardaşı Yusufla qovuşduqları zaman Yusuf üçün şükr səcdəsinə qapanırlar. O zaman Yusuf deyir: "Atacan bax bu mənim gördüyüm röyanın təbiridir." (Yusuf 100) Diqqət etdiyimiz zaman görərik ki, Yusuf peyğəmbər 11 qardaşı ilə bərabər 12 şəxsdirlər. Bunlar eyni əsildən bir topluluq ,eyni kökdən bir sistem mənasını xatırlamaqdadır Burada da böyük bir ehtimal ki , kəvkəb sözü planet mənasındadır. Belə olduqda Günəş sistemində 12 planet olacaq deməkdir. Necə ki, 9-dan daha çox planet olduğu iddiaları çoxalmaqdadır.
| Baxılıb: 702 | Tarix: 
