Məscidlərdə azan əvəzinə kilsə zənglərindən istifadə edilsin, yoxsa azan səsindən narahat olanlar Ermənistana getsin?
Dünən
Yasamalda yerləşən “İlahiyyat” məscidində ibadət edən bir qrup dindar
redaksiyamıza müraciət edərək, növbəti dəfə azan səsinin
səsötürücülərlə verilməsi ilə bağlı problem yaşadıqlarını bildirdilər.
Müntəzəm olaraq bu məsciddə namaz qılan bu şəxslərin sözlərinə görə,
dünən məsciddə ibadət edərkən, Yasamal Rayon İcra Hakimiyyətinin məsul
işçiləri Allah evinə təşrif buyurublar. Məscidin yaxınlığnda yerləşən
İcra Hakimiyyəti rəsmilərinin gəlişi heç də Uca Tanı qarşısında
borclarını yerinə yetirmək olmayıb.
Həmin şəxslər
dindarların gözü qarşısında məscid rəhbərliyinə ultimatum verən icra
hakimiyyəti rəsmiləri azan səsinin səsgücləndiriciləri ilə verməyi
dayandırmağı tələb ediblər. Dindarların haqlı narazılığı qarşısında
geri çəkilmək məcburiyyətində qalan həmin rəsmi şəxslər “Biz də buna
qarşıyıq. Ancaq Prezident Aparatından bu yöndə göstəriş gəlib. Bundan
sonra bütün məscidlərdə səsötürücülərlə azan vermək qadağan olunacaq”
söyləyiblər.
Maraqlıdır ki, birinci dəfə də azanla bağlı
problem yaşanarkən, qərarın yuxarıdan gəldiyi vurğulanırdı. Ancaq daha
sonra ölkə başçısı İlham Əliyevin bu məsələdən xəbərsiz olduğu və məhz
hazırki prezidentin sərt reaksiyasından sonra bu problemin həll olduğu
məlum oldu. O zaman Azərbaycan Prezidenti insanların ibadət hüququna
qarışılmasına və azan səsinin qadağan edilməsinə qarşı sərt təpki
göstərmişdi.
Azanın kimlərinsə probleminə çevrildiyi zaman da
bu əmrin tətbiqinə əsasən türk və sünni camaatın daha kompakt ibadət
etdiyi məscidlərdə başlanılmışdı. Bu dəfə də Yasamal icra hakimiyyəti
azan səsini kəsməyi “İlahiyyat” məscidindən başlayıb. “Şəhidlər”
məscidindən səsötürücülərlə azan verilməsi isə bir ildən çoxdur,
dayandırılıb. “İlahiyyat” məscidinin bu tələbə boyun əyib-əyməyəcəyini
dəqiq bilməsək də, onsuz da absurd iddia ilə cümə günləri əziyyət çəkən
dindarların buna münasibəti birmənalıdır. Bu münasibəti “İlahiyyat ”
məscidində ibadət edənlərdən biri belə ifadə etdi: “Bura bizim
ölkəmizdir. Kim azan səsindən narahat olursa, getsin Ermənistana”.
Maraq
doğuran digər məqam ondan ibarətdir ki, Bakıda İslam Konfransı
Təşkilatının təşkilatçılığı ilə İslamafobiyaya qarşı konfrans
keçirildiyi və 16 noyabr beynəlxalq tolerantlıq gününə hazırlışıldığı,
İKT başda olmaqla bir sıra önəmli müsəlman təşkilatları Azərbaycanda
İslam günləri keçirmək istədiyi bir dönəmdə “İlahiyyat” məscidindən
ucalan azan səsi kimləri narahat edir? Nədən digər dinlərin
mənsublarına qarşı tolerantlıq sərgiləndiyi bir vaxtda müsəlmanların
azan səsini eşitmələri də qadağan olunur? Nədən qulaqlarımızı batıran
kilsə zənglərinə kimsə bir söz demədiyi halda “Allahu Əkbər” nidaları
kimin ürəyincə deyil? Ən başlıcası dövlətlə dindarları düşmən etmək
kimin işinə yarayır?
| Baxılıb: 1065 | Tarix: 
