Hakerlər Məhəmməd peyğəmbəri təhqir edən filmi yerləşdirən saytları sındırıblar.
“Selef.my1.ru” Türkiyə mətbuatına istinadən bildirir ki, İslam əleyhinə filmə etiraz məqsədilə müsəlman ölkələrində nümayişlərin keçirildiyi bir vaxtda filmi nümayiş etdirən bir çox Qərb saytları ərəb sayt sındırıcılarının (haker) hücumuna məruz qalıb.
Özlərini “Ərəb Elektron Ordusu” (ƏEO) adlandıran haker qrupu “Müsəlmanların məsumiyyəti” filmini öz ünvanlarında yerləşdirən internet saytlarını sındırıblar.
ƏEO hakerləri sındırdıqları saytlara Həzrəti Məhəmmədin İncildə tanıdıldığı parçanı ərəb dilində yerləşdiriblər. Qrupun üzvlərindən mərakeşli haker Rizvan “əl-Ərəbiyyə” telekanalının elektron poçtuna göndərdiyi məktubda məqsədlərinin Allahın peyğəmbərini müdafiə etmək olduğunu bildirib.
Sındırdıqları saytlarda İslam dini və Məhəmməd peyğəmbərlə bağlı ingiliscə videokadr yerləşdirən ƏEO anoloji aktları davam etdirəcəklərini bəyan edib.
| Baxılıb: 593 | Tarix: 
