Kitablar uşaqların həm zehni, həm də mənəvi inkişafında ən təsirli vasitələrdəndir. Belə ki, kitablar uşaqların xəyal qüvvələrini zənginləşdirməklə yanaşı, müxtəlif dəyərləri kəsb etdikləri mənbə funksiyasını da yerinə yetirirlər. Bu məsələdə isə ən böyük rol şübhəsiz ki, ailənin üzərinə düşür.
Uşağın kitab oxumaq vərdişinə yiyələnməsi üçün oxunacaq kitabı satın alarkən birlikdə seçə bilmək, onun fikrini inkişaf etdirə bilməsinə şərait yaratmaq faydalı davranışdır. Azyaşlının kitabı oxuması vərdişlərini möhkəmləndirməsi üçün seçiləcək kitablar məsələsinə diqqətlə yanaşılmalıdır. Çətin başa düşülən, içərisində kifayət qədər şəkil olmayan kitablar bu yaş qrupundakı uşaqlar üçün darıxdırıcı və maraqsız bir işə çevrilə bilər. Bu baxımdan kitabı alarkən onun mövzusu, çətin və ya asan başa düşülməsi, eləcə də şəkilli olub-olmaması nəzərə alınmalıdır.
Övladımla necə ünsiyyət qurmalı?
Kitabın dili uşağın başa düşə biləcəyi qədər sadə olmalıdır. Həmçinin, kitabı oxumazdan qabaq uşağa bir sıra fürsətlər verməyimiz də məqsədəuyğundur. Məsələn, kitabların evdə qoyulacağı yeri uşağın müəyyən etməsi, eləcə də kitablar üçün ayrıca küncün ayrılması məsələsini uşağa həvalə etmək olar. Kitab səhifələrinin tezcırılmayacaq qədər keyfiyyətli olması da uşaqların istifadəsi üçün daha əlverişlidir.
Hər uşağın kitab oxumaq vərdişi, onun bu vərdişi təkrar etmə tezliyi fərqlidir. Ancaq hər bir vərdişin formalaşması üçün belə olan halda qiraət müddətindən daha çox tezliyin düzgün təyini əhəmiyyətli və yararlıdır. Məhz belə olan təqdirdə hər hansı bir kitabın hekayəsini izləmək uşağa asan olacaq, onun maraq hissinin çoxalması kitab oxuma arzusunu gücləndirəcəkdir.
Övladım dərslərini necə daha yaxşı oxuya bilər?
5-6 yaş qrupuna aid uşaqlar üçün uzun hekayələr əvəzinə içərisində çoxlu şəkillər olan kitabları istifadə etmək daha münasibdir. Habelə kitabdakə şəkillərin hekayəyə uyğun gəlməsi vacibdir. Beləcə uşaq kitabın hekayəsini şəkillərə diqqət yetirərək, izləyə biləcəkdir. Bu mənada hadisələri şəkil ilə canlandıraraq, uşağın xəyal gücünü də inkişaf etdirmək mümkündür. Şəkillər uşağın hisslərini ifadə etməsində vasitə olacaqdır. Bununla uşağın oxuduğuna məna verməsi və şəkillərdən çıxış edərək, hadisə və şəkilləri əlaqələndirərək, hekayəni danışmasını istəyə bilərsiniz.
Uşağınız çoxmu dəcəldir?
5-6 yaş qrupuna daxil olan uşaqlar üçün valideynlərlə iş
Bu yaş dövründə valideynlərin evdəki rolu uşaqlar tərəfindən əhəmiyyətlə qarşılanır. Başqa sözlə desək, valideynlərin davranışları uşaqlar üçün dəyərli sayılır. Kitab oxuma fəaliyyətində də ana və ata ilə keçirilən vaxt “birlikdə” nə isə edə bilmək baxımından dəyərlidir. Bir ailə kimi birlikdə hər hansı iş görə bilmək ünsiyyəti və əlaqəni gücləndirir. Ailə fərdləri kitabdan bir vasitə kimi istifadə edərək, oradakı hadisələri müzakirə edə bilərlər. Bu yolla fikir alış-verişinin aparılması ailə üzvlərinin bir-birilərini başa düşmələrinə töhfə verəcəkdir.
| Baxılıb: 637 | Tarix: 
