Almaniyanın ədalət məhkəməsi türk ananın psixologiyasının sağlam olmadığını iddia edərək qızı Əlifi ondan ayırıb. Məhkəmə Əlifi əqrəbalarının yanına yerləşdirmək əvəzinə katolik ailəyə övladlığa verib. Ölkə xaricində yaşayan türklərin həyat səviyyələri ilə bağlı mübahisələrə hər gün daha biri əlavə olunur.
Almaniyada türk cəmiyyətinin nümayəndələri ilə görüşən Türkiyənin keçmiş millət vəkili Turhan Çöməz üç minə qədər türk gəncinin assimilyasiya təhlükəsi ilə qarşı – qarşıya olduğunu deyib. Çöməz buna türk qızı Əlifin katolik ailəyə övladlığa verilməsini nümunə göstərib.
Övladımı mənə qaytarın: Çöməz Almaniya səfəri əsnasında türk cəmiyyətinin nümayəndələri ilə bir sıra görüşlər keçirib. Bu zaman Helzenkirhen şəhərində yaşayan Aişə Yaman adlı xanım Çöməzə müraciət edərək başına gələnlər hadisə və qarşılaşdığı çətinliklər barədə ona məlumat verib. Yaman başına gələnlər barədə bunları deyib: “1991-ci ildə ailə həyatı qurmuşam. 36 yaşım var. Bir il sonra qızım Əlif dünyaya gəlib. Bir müddət sonra ərimlə aramızda baş verən mübahisələrdən sonra ayrı yaşamağa başladıq. Qızımın beş yaşı olarkən Osnabrükdəki Qadınlar Evinə pənah apardım. Bir gün yaşadığım çətinliklər və stres səbəbilə qızımı döydüm. Sonra çox peşman olmuşdum, ancaq artıq iş işdən keçmişdi. Barəmdə bəzi instansiyalara şikayət etmişdilər. Bir müddət sonra Osnabrük Gənclik Dairəsi gələrək övladımı əlimdən aldı. Qızım iki ay onların himayəsində qaldı. Mən isə məhkəməyə müraciət edərək qızımın mənə qaytarılmasına çalışdırdım. Gənclik dairəsi ilə görüşlərdə: “Xahiş edirəm, övladımı məndən ayırmayın. Onsuz yaşaya bilmərəm, ölərəm” dedim. Bu sözümü fürsət bilən səlahiyyətli şəxslər intihara meylli olduğumu iddia edərək məni psixoloji müayinəyə göndərdilər. Həkimlər məndə heç bir xəstəlik aşkar edə bilməsələr də mənim kifayət qədər yaxşı ana ola bilməyəcəyimə qərar verdilər. Buna görə də mən başqa bir həkimə müraciət edərək əksini isbat edən arayış aldım. Ancaq bu arayışı məndən qəbul etməyərək qızımı məndən ayırdılar. O vaxtdan etibarən artıq 9 aydır ki, övladımı mənə göstərmirlər. Mən müsəlman olduğum üçün övladımın da müsəlman dəyərlərinə uyğun tərbiyə olunmasını istəyirəm. Amma onu qatı bir katolik ailəyə verib və kilsəyə aparmağa başlayıblar. Qızımı məndən uzaq tutmağa çalışırlar. Bir bir insanlıq ayıbıdır, xahiş edirəm övladıma sahib çıxın”.
3 min Əlif var: Məsələni iki vəkil, vətəndaş cəmiyyəti təşkilatları və türk cəmiyyətinin nümayəndələri ilə müzakirə edən Çöməz bir həkim kimi Aişə Yamanda psixoloji pozuntu halına rast gəlinmədiyini vurğulayaraq: “Son dərəcə sağlam düşüncəsi, rasional və təsirli danışıq qabiliyyətinə malikdir. Əsas problem Əlif Yamanın anasından ayrılması deyil, məhkəmə qərarı ilə müsəlman ola bilməyəcəyinə hökm verilməsidir. Alman məhkəsi Əlifin müsəlman kimi həyatına davam etməməsinin vacibliyinə hökm etmişdir. Bu insan haqlarına zidd bir vəziyyətdir. Əlif hələ də qatı bir katolik ailənin yanında xristian dəyərlərinə uyğun yetişdirilir” deyib. Bunun Almaniyanın assimilyasiya siyasətinin bir məhsulu olduğunu deyən Çöməz baş konsul Asim Temizgilin də bənzər hadisələrlə qarşılaşdığını söyləyib. Çöməz 3 min türk körpənin eyni vəziyyətlə qarşı – qarşıya olduğunu deyərək bunları əlavə edib: “Türkiyənin bu vəziyyətə dərhal müdaxilə etməsi və bir an əvvəl problemi həll etməsi vacibdir. Bu yavru Almaniyadan rəsmi şəkildə tələb edilərək Türkiyədə öz dəyərlərimizə uyğun yetişdirilməlidir. Bundan başqa eyni aqibətlə qarşılaşan 3 minədək övladımızın taleyi də bizim üçün çox qiymətlidir. Türkiyə öz qızına Almaniyanın ədəbsiz Markosa göstərdiyi diqqətdən daha çox diqqət ayırmalıdır”. Qeyd edək ki, Çöməz ana Aişə Yamanın müraciətini Dövlət naziri Nemət Çubukçuya göndərib.
| Baxılıb: 645 | Tarix: 
