“Coca-Cola” şirkəti öz məşhur içkisinin sirrini açmağa məcbur olub. Məlum olub ki, qazlı içkinin rəng ekstraktı həşaratlardan hazırlanırmış. Onun sirrinin açılması üç il çəkib. Ermənistan saytlarının “İzvestiya” qəzetinə istinadən verdiyi məlumatda bildirilir ki, Müqəddəs Nikolay Fondunun Türkiyədəkı nümayəndəliyinin rəhbəri məhkəmə iddiası qaldıraraq, “Coca-Cola” şirkətindən ənənəvi olaraq sirr saxladığı içrinin tərkibini açıqlamasını tələb edib.

Qeyd edək kı, “Coca-Cola”nın etiketinin üzərində onun tərkibində olan maddələr haqqında məlumat verilib: şəkər, fosfor turşusu, kofein, qənnadı, karbohidrogenlər və digər ekstraktlar. Elə sonda qeyd olunan “digər ekstraktlar” sözünü əsas gətirən iddiaçı Türkiyə qanunlarına istinad edərək, istehlakçı hüquqlarının pozulması maddəsi ilə şirkətə qarşı məhkəmə iddiası qaldırıb. Beləliklə, şirkət istehsal etdiyi içkinin tərkibini açıqlayıb. Məlum olub ki, içrinin tərkibində yuxarıda qeyd edilənlərdən başqa, bir neçə eqzotik bitki yağı və qurudulmuş həşaratlardan – qirmizi böğəklərdən (ruscada koşenil) alınan ekstrakt da daxildir. Bu həşaratın Azərbaycan, Ermənistan, Polşada yaşadıgı bildirilir. Amma bu böcəyin ən çox sevdiyi bitki Meksika kaktuslarıdır.
O da qeyd olunur ki, həşaratdan alınan rəng maddəsı zərərli deyil. Həmin maddədən qədim dövrlərdə parçaların rənglənməsində də istifadə olunub. Artıq 100 ildən çoxdur ki, bu ekstrakt qida məhsullarının ıstehsalında da istifadə olunur.

Bu gün Ağır Cinayətlərə Dair İşlər üzrə Hərbi Məhkəmədə Bakıdakı “LUKoil” yanacaqdoldurma məntəqəsinə silahlı basqın etməkdə, ABŞ və Böyük Britaniyanın Azərbaycandakı səfirliklərinə qarşı terror aktı hazırlamaqda və digər cinayətlərdə təqsirləndirilən radikal dini qrup üzvlərinin cinayət işi üzrə məhkəmə prosesi davam etdirilib.

Lent.az-ın məlumatına görə, hakim İslam Nemanovun sədrliyi ilə keçirilən prosesdə şahidlər ifadə veriblər. Şahid Elçin Əvəzov bildirib ki, təqsirləndirilən şəxslərdən Hacıbala Hüseynovu tanıyır: “O, dini toylarda xütbələr oxuyurdu. Hüseynovu oradan tanıyıram. O, xütbələrində Azərbaycan Respublikasını kafir dövlət adlandırır, əsgərliyə gedənlərə qarşı çıxır, dövlətin şəriət qanunları ilə idarə edilməsinin tərəfdarı olduğunu söyləyirdi. “Əbu Bəkr” məscidinin imamı Qamət Süleymanovun da kafir olduğunu söyləyirdi”.

Digər şahid Zaman Piriyev isə H.Hüseynovun terror, cihad haqda heç bir xütbəsini eşitmədiyini söyləyib: “O sadəcə, bildirirdi ki, “Qurani-Kərim”ə qarşı çıxmaq olmaz. Hacıbala İslamın dəvətlisidir”.
Z.Piriyev Azərbaycanda terror və cihada şərait olmadığını da bildirib. O, şərqşünas Vasim Məmmədəliyev haqqında fikirlərini bildirib. Onun sözlərinə görə, V.Məmmədəliyev şərqşünas olsa da, İslam dinini yaxşı bilmir: “Buna görə də o, Muğam müsabiqələrində münsif kimi iştirak edir”.

Sonra “Əbu Bəkr” məscidinin imamı Qamət Süleymanov ifadə verib. O bildirib ki, təqsirləndirilən şəxslərdən heç biri ilə münasibəti olmayıb. Saxlanılanlarla özü arasında əqidə cəhətdən fikir ayrılığının olduğunu deyən Q.Süleymanov H.Hüseynovun dini baxışları ilə razılaşmadığını vurğulayıb. O bildirib ki, şəriət cəhətdən hökm Allaha məxsusdur: “Biz hətta dinə müxalif olsa belə, zərurət baxımından qanunlara tabe oluruq”.

Q.Süleymanov radikal dinçi dəstənin yanacaqdoldurma məntəqəsinə basqın etməsindən xəbərsiz olduğunu da vurğulayıb. O bildirib ki, təqsirləndirilən Kamran Babayevin cihada çağırış şüarı ilə bağlı fikirlərini eşitməyib. Q.Süleymanov hakimiyyətə, insanlara münasibətdə özü ilə dəstənin fikirləri arasında ayrılığın olduğunu qeyd edib: “Dəstə üzvlərinin hər birinə müsəlman kimi yanaşıram. Onların etdiklərini isə xəta kimi qiymətləndirirəm. Cihad etmək istəyən Qarabağı gözləsin. Vəhhabi təriqəti heç yerdə yoxdur, mən belə şeyi qəbul etmirəm. Hər bir dəstənin öz adı var. Xristian və yəhudilər kafirdirlər. Onlara münasibət fərqli olmalıdır. Əgər dövlət haram qanunlar qəbul edirsə, buna müsəlman kimi yanaşmalıyıq”.

Dəstə başçısı Kamran Əsədov Q.Süleymanova “Homoseksuallıq, içki, sələm vermək Azərbaycanda halal kimi qiymətləndirilir. Lakin bu, dində haramdır. Buna necə baxırsınız?” sualı ilə müraciət edib. Q.Süleymanov cavabında “bunların hamısı haramdır və onlardan çəkinməliyik. Lakin harada yaşayırıqsa, oranın qanunlarına əməl etməliyik. Radikalizm İslamda var. Bu, ərəb ölkələrində də böyük problemdir”, deyib.

K.Əsədov isə Üsamə Bin Ladeni özünə rəhbər hesab etdiyini vurğulayıb. Onun fikrincə, dünyada yalnız ”Əl Qaidə” təşkilatının üzvləri müsəlmanlar kimi yaşayır.

Q.Süleymanovun müavini Əlixan Musayevin xəstəliyi ilə əlaqədar məhkəməyə gəlməməsi haqda göndərdiyi teleqram hakimlər tərəfindən qəbul olunub. Növbəti məhkəmə proseslərində onun istintaqa verdiyi ifadələr elan olunacaq.

Bundan sonra məhkəmə prosesi hərbçilərin ifadə verməsi ilə əlaqədar qapalı formada davam etdirilib.

Növbəti proses isə fevralın 3-ə təyin olunub

Dünyanın bütün diqqətinin yönəldiyi Davos Forumunun tarixində görünməmiş gərginlik yaşanıb. APA-nın xəbərinə görə, Türkiyənin baş naziri Rəcəb Tayyip Ərdoğan BMT-nin baş katibi Pan Ki Munun və İsrail prezidenti Şimon Peresin iştirak etdiyi paneldə İsrailin ünvanına sərt ifadələr söyləyəndən sonra paneli yarımçıq tərk edib.

“İsrail soyuqqanlı olmalıdır”

“Qəzza: Yaxın Şərqdə sülh” adlı paneldə çıxış edən BMT baş katibi Ban Ki Mun İsrailin bütün sərhədləri açmasının vacibliyini qeyd edib: “Atəşkəsin davamlı olması üçün bu çox lazımlıdır. İnsanlar yaxınlarını, dostlarını, ailə üzvlərini itirdilər. Böyük bir insanlıq faciəsi yaşandı. Mən BMT-nin orada bombalanmış ofisinə getdim. Fələstinlilərin uzun müddətli birləşməsinə ehtiyac var. Əks təqdirdə, beynəlxaql aləmin bu bölgəyə yardım göstərməsi çox çətin olacaq”.

Ban Ki Mun ABŞ prezidenti Barak Obamanın Qəzza bölgəsində baş verənlərlə bağlı açıqlamalarını çox müsbət qarşıladığını da vurğulayıb.
BMT baş katibi əlavə edib ki, HƏMAS-ın silahlı hücumlarını və təxribatlarını önləməklə yanaşı, İsrailin də soyuqqanlılığını qorumasına ehtiyac var.

“Qəzza-açıq havada həbsxanadır”

Bundan sonra çıxış edən Türkiyənin baş naziri Rəcəb Tayyip Ərdoğan deyib ki, ötən ilin iyun ayında bölgədə atəşkəs olub, heç bir sıxıntı da hiss olunmayıb. Bu müddətdə İsrailin bölgəyə olan embarqonu qaldırması lazım idi, amma İsrail bunu etməyib: “Qəzza bir açıq hava həbsxanasıdır. Burdakı hər hansı sərhəd qapısından Fələstinə bir qutu pomidor belə daxil edilə bilmir. Mən İsraillə səfərə getdim. Oradan Fələstinə keçmək üçün Türkiyənin baş naziri olaraq yarım saat sərhəd qapısında gözlədildim. Amma biz Türkiyə olaraq İsraildən gələn diplomatlarla belə davranmırıq.
Çoxlu sayda fələstinli öldürüldü. Biz hələ bu əməliyyatlar başlamadan öncə bölgəyə humanitar yardım göndərməyə başlamışdıq.
Mən anti-semitizmi də, islamafobiyanı da bir insanlıq suçu olaraq görən baş nazirəm. Adamların müsəlman, xristian, yəhidi olması mənim üçün önəmli deyil. Amma göndərdiyimiz humanitar yardımlar 15 gün sərhəddə saxlanıldı. Bunları cənab Peres bilirmi, bilmirmi, onu bilmirəm.
Dekabrın 23-də İsrailin baş naziri Olmertlə görüşümüz oldu. Bizim vasitəçi missiyamız vardı. Görüşümüz Ankarda idi.
O görüşdə Olmertə dedim ki, indi Həmasın əlində əsir olan İsrail əsgərlərini azad etdirə bilərik. Amma ondan bir xahişim oldu ki, Fələstində İslahatlar və Dəyişiklik Partiyası seçkilərdə qələbə qazanıb. Bu nəticəni sayğıyla qarşılamaq zorundayıq. Ona dedim ki, bu seçkilərdə qələbə qazanmış millət vəkilləri, Məclis başqanı Sizin əlinizdə əsirdir. Dedim ki, gəlin bir paket hazırlayıb, əsirləri dəyişdirək. Cənab Abbasa göstərdiyiniz jesti indi də göstərin. Olmert cavabında bildirdi ki, bunu eləsə, Abbas kriz keçirər.
Bundan sonra isə Qəzzaya bombaların yağdığını gördük. Mülki əhalidən 1200 insan öldü. İsrailin əlində olan silahların bir zərəsi belə Fələstinin əlində yox idi.

… Susdu və seyr etdi

BMT-nin qərarını İsrail tanımadı. Bir insanlıq faciəsi yaşandı. Bəs beynəlxalq aləm nə etdi? Susdu və seyr etdi. Eyni şeylər Gürcüstanda yaşananda isə susmadılar. Amma biz Gürcüstanın da yardımına ilk getdik. Bizim üçün din, irq fərqi yoxdu.
Bu hesab çox ağır bir hesabdır. Bu olaylardan danışanda həmişə HƏMAS deyildi, amma Qəzza bir HƏMAS-dan ibarət deyil. İsrailin bütün qapıları açması vacibdir. Deyirlər ki, həmin qapılardan silah daxil olmasın. Əgər bu tunellərin bir ucu Misirdədirsə, qoy Misir silah daxil edilməsinə imkan verməsin”.
Ərdoğan qeyd edib ki, dünyada sülh olması üçün Yaxın Şərqdə sülhün olması şərtdir.
Bundan sonra isə Ərəb Birliyinin başqanı Əmr Musa danışıb. O deyib ki, ərəblər İsraillə sülh yaratmaq, əməkdaşlıq etmək və vəziyyəti yoluna qoymaq arzusundadırlar.

“Siz hansı HƏMAS-dan danışırsınız?”

İsrail prezidenti Şimon Peres deyib ki, ondan öncə danışan dövlət və hökumət başçıları bildikləri ölkələrin rəsmini çəkiblər: “Demokratik bir ölkədə terror təşkilatına qarşı mübarizə aparmaq çox çətindir. Kimsə bunu görmür. Nədənsə İsrailə bomba atılanda kimsə danışmır. Seçkiləri cənab Abbas qazanmışdı. HƏMAS seçkilərə qatılmışdı, amma onların demokratiya ilə bağlı fərqli görüşləri var. Seçkilərə gedirlər, sonra isə öldürməyə başlayırlar.
Mən bu nöqtədə danışanlara qatılmıram. HƏMAS bizi narahat edir. HƏMAS-ın ortaya qoyduğu anlaşmada yazılıb ki, qiyamət günü müsəlmanlar yəhudiləri öldürənə qədər gerçəkləşməyəcək. Barış çabaları, anlaşmalar işə yaramayacaq. Siz hansı HƏMAS-dan danışırsınız?
İsrail bu terror hadisələri nəticəsində yüz minlərlə vətəndaşını itirdi. HƏMAS Qəzzaya gələndən bəri 500 min raket atıldı, 400 hava hücumu oldu. Bu hücumu biz başlamadıq. Bizim baş nazirimiz Türkiyədə Sizinlə birlikdəykən (Ərdoğana xitab edir-red) biz hücuma qərar verməmişdik.
Hisslərinizi anlayıram. Amma İsrail oradan tamamilə çəkildi, 15 min nəfər çəkildi və bunu biz istədik, heç kimin təsiri olmadan oradan çəkildik.

“İnsanlar mənə “xain” deyib qışqırırdılar”

Mən bunu anlamaq istəyirəm, bizə niyə raket hücumlarına başladılar. Bütün qapılar açıqdı, ora sərmayə qoyurduq, 20 milyon dollar göndərirdik.
Təkcə bir nəfərin 5 milyon dollar göndərdiyini bilirəm. İsrail Qəzzaya gündəlik su, qaz nəql edirdi. İrandan raket gətirdilər və tünelləri açdılar.
Bizə hər gün yüzdən artıq raket atıldı. Milyonlarla insan bomba altında qaldı. İnsanlar bizdən nə vaxt təhlükəsiz yaşayacaqlarını soruşurdular.
Biz Misirlə, İordaniya ilə barışdıq. Fələstinlilərlə danışıqlara başladıq. Cənab Ərdoğan nə zaman gözlədiniz? O dönəmdə dinamitlər vardı.
İnsanlar mənə “xain” deyib qışqırırdılar.
İsrail 60 illik tarixi olan ölkədir, Siz 60 il döyüşən bir ölkə gördünüzmü?
Bütün bunlara baxmayaraq, biz gözlədik, Misir üçün, Fələstin Muxtariyyəti üçün gözlədik. Hüsnü Mübarək də, cənab Abbas da vəziyyəti bilirlər.
İran Yaxın Şərqdə hegamonluq arzusundadır və HƏMAS-a silah verir.
Nə etməyimizi gösləyirdiniz? İstanbula raket hücumu olsa, Siz nə edərdiniz? Biz bunu istəmirdik, sülh istəyirdik”.
Ş. Peres daha sonra bildirib ki, onlar üçün fələstinlilərin birləşib-birləşməsi müzakirə mövzusu deyil.
O daha sonra Fəth rəsmilərindən birinin HƏMAS-la bağlı sərt fikirlərini səsləndirib: “İsrail kimisə öldürmək istəmir. Bizim üçün bütün uşaqlar çox önəmlidir. Bizim topladığımız bütün pullar uşaq mərkəzlərinə gedir”.
“İsrailin bir atəşkəsə ehtiyacı yoxdur, çünki hücumları biz başlamadıq. Bizim qarşımızda Qüds problemi var, üç din üçün də önəmli bir şəhərdir. Biz fələstinlilərə qərbi Şeriyanı verməyə hazır olduğumuzu dedik.
Qəzza tragediyasını başlayan İsrail deyil, orada diktatorluq quran HƏMASdır”.

“Mənim üçün Davos bitdi”