Əbu Hənifənin fətvasını izah etmədən əvvəl, burada həddlər və həddlərlə əlaqədar bəzi məsələləri izah etmək istəyirik.
Alimlər fiqh kitablarında həddlər ilə əlaqədar olaraq müxtəlif məsələləri müzakirə ediblər. Bu müzakirələrdən də biri "əl-şubuhət fil-hudud" (həddlərdə şübhələr) məsələsidir. Əhli-Sünnət alimləri Şəriətin bir gərəyi olaraq cinayətlərdə şübhələr zamanı cəzanı düşürməyə meyl edirlər, çünki bu, Şəriətin ümumi nasslarından çıxan bir mənadır. Ona görə də fiqh alimləri istər zina olsun, istərsə də başqa bir cinayət olsun, ortada şübhələrin olub olmamasını araşdırırlar. Məsələn, əgər bir qadın hamilə qalarsa, lakin əri olmazsa, alimlər bu məsələ bəzi şübhələrin ola biləcəyini qeyd edirlər. Hənəfi məzhəbinə görə belə bir halda qadından bu uşağın necə olduğunu soruşmaq gərəkir. Əgər qadın özünün zorlandığını söyləyərsə o zaman, qadının sözü qəbul olunar və heç bir şəkildə cəzalandırılmaz. Bunun dəlili isə əl-Beyhəqinin rəvayət etdiyi Həzrəti Əlinin - radiyallahu anhu - Şurahə adlı qadına verdiyi suallardadır. Şurahə hamilə olduqda Həzrəti Əli ondan soruşur: "Ola bilsin ki, əni zorlayıblar?" Qadın dedi: "yox" Əli soruşdu: "Ola bilsin ki, sən yatanda kimsə bundan istifadə edib?" Qadın dedi: "Yox", Əli yenə soruşdu: "Ola bilsin ki, sənin ərin bunlardan biridir və sən onu bizdən gizlədirsən?" Alimlər bu və bənzəri rəvayətləri dəlil gətirərək cəzalarda şübhələrə görə cəzanı düşürməyi uyğun görürlər.
Abdurrazzaq "əl-Müsənnəf" əsərində rəvayət edir:

"Əbu Bəkr bizə rəvayət etdi; dedi: Huşeym bizə Mənsurdan, o da əl-Harisdən, o da İbrahimdən rəvayət etdi; dedi: Ömər bin əl-Xattab dedi: "Həddləri şübhələrə görə düşürmək, onları şübhələrə görə iqamə etməkdən mənə daha sevimlidir."

Bundan sonra gələn rəvayətdə isə deyir:

Əbu Bəkr bizə rəvayət etdi; dedi: Abdussələm bizə İshaq bin Əbi Fərvadan, o da Amr bin Şueybdən, o da atasından rəvayət etdi ki, Muaz, Abdullah ibn Məsud və Uqbə bin Amir belə deyərdilər: "Əgər bir həddə üzərinə bir şübhə olarsa, həddi ləğv et!"

"əl-Musannəf", 6/514

Yuxarıda Əbu Hənifənin verdiyi fətva da bununla əlaqədardır. Lakin burada qeyd etmək lazımdır ki, xəbis rafizilər bunu elə təqdim edirlər ki, sanki Əbu Hənifəyə görə qadına ücrət verib zina etmək caizdir və bu işdə haram bir şey yoxdur. Bu isə onların əvvəlki hiylələrindəndir.
Xülasə, Əbu Hənifənin burada işarə elədiyi şübhə nədir?!
Əbu Hənifəyə görə "ücrət" Quranı Kərimdə "mehr" mənasında gəldiyi üçün, qadına verilən ücrət mehrə bənzəyir və iki tərəf arasında razılaşma olduğu üçün burada buna əsaslanan bir fasid əqd vardır. Bu, sanki fasid bir nikahdır. Buna görə də Əbu Hənifə bu şübhəyə görə hədd hökmünün tətbiq olunmayacağını deyir, lakin bu, heç də Əbu Hənifənin bu əməli caiz sayması anlamına gəlmir.
Hənəfi məzhəbinin məşhur müctəhid alimi İmam əs-Səraxsi - rahiməhullah - bu məsələni bu şəkildə izah edir:

Dedi: Bir kişi qadınla zina etmək üçün ücrət verir və onunla zina edir. Əbu Hənifəyə görə ikisinə də hədd düşməz. Əbu Yusuf, Muhamməd və əş-Şafi isə - rahiməhumallah təalə - deyirlər ki, onların zina əməlini işləməkləri kəsin olduğu üçün üzərilərinə hədd düşür, çünki icarə qadınla şəri yolla yatmağı mübah edəcək bir yol deyildir və bu, bir qadını yemək bişirmək və ya çörək bişirmək üçün ücrət qarşısında işə götürüb, sonra onunla zina etmək kimi absurd bir şeydir. Çünki qadın üçün mənfəət olan ücrət qarşılığında çalışmağın məqamı maliyyə hökmündədir və cinsi əlaqəyə görə pul ödəyən isə qul azad edən hökmündədir və bu, əslən mal sayılmaz. Əqd (sözləşmə, razılaşma) isə məhəlli olmadan əslən tamamlanmaz və əgər əqd bununla tamamlanmırsa, burada əqd izn ilə eynidir.
Əgər onun izni ilə zina edərsə hədd vurmaq lazımdır, lakin Əbu Hənifə - rahiməhullah – burada iki hədisi dəlil gətirmişdir. Hər ikisini də Ömərdən – radiyallahu anhu - gətirmişdir. Onlardan biri bir qadının çobandan su istəməsi haqqındadır, çoban isə qadının özünü ona təslim etməsinə imkan verənə qədər suyu verməkdən imtina etmişdi. Ömər – radiyallahu anhu – hər ikisindən də həddi düşürmüşdür. İkinci halda isə qadın kişidən mal istəmiş, kişi isə qadın özünü kişiyə təslim etməyə imkan vermədiyi müddətdə ona bir şey verməkdən imtina etmişdi. Onlardan da hədd cəzası düşürdü və dedi: "Bu, mehrdir". Hədd cəzasının qadının üzərindən düşməsinə, qadının susuzluqdan həlak olacağından qorxaraq məcburiyyət qarşısında olmasının səbəb olduğunu söyləmək caiz deyildir, çünki belə bir məna kişidən hədd cəzasını düşürməyi tələb etmir və həm də bu məna ikinci hədisdə zikr etdiyimiz kimi mal dilənən qadın barəsində sabit deyildir. Üstəlik Ömər bunun səbəbini mehr olaraq izah elədi. Bunun isə mənası budur ki, mehr ilə ücrət yaxın mənalardır. Allahu Təalə deyir: "İstifadə etdiyiniz qadınların ücrətlərini lazımi qaydada verin!" (ən-Nisa, 24) Burada mehr ücrət adlanmışdır.
Əgər "Sənə bu qədər mehr verirəm ki, səninlə zina edim" desə hədd cəzası vacib olmaz. Eynilə əgər "sənə ücrət verirəm" deməsi onun bu əməlinin zina olmadığını izah etməsidir. Lüğət alimləri isə əqddən sonra baş verən cinsi əlaqəyə zina demirlər və zina ilə başqa halların arasında fərqi yalnız əqddə görürlər. Lüğət alimləri eynilə nikah ilə isticar (ücrət qarşılığında əlaqə) arasında fərq qoymurlar, çünki bu ikisi arasındakı fərq yalnız şəri fərqdir, amma lüğət alimləri bunu bilmirlər. Biz isə bildik ki, bu əməl lüğət baxımından zina deyildir. Məhz bu, Allahu Təalənin haqqı olan həddin yerinə yetirilməsinə maneə olan şübhədir, necəki hiylə yolu ilə başqasının malını ələ keçirən adama (oğurluğa görə) hədd düşmür. Çünki lüğətdə belə bir adamın əməlinə oğurluq demirlər. Bu, onu izah edir ki, cinsi əlaqəyə görə qarşılıq dömək hökmdə ul azad etmək kimi olsa da, həqiqətdə bir mənfəətdir və isticar (icarə, ücrət qarşılığında çalışdırmaq) mülk mənfəəti üzərinə məşru bir əqddir. Yemək və çörək bişirmək üçün isticardan fərqli olaraq, bu həqiqətə görə bir şübhə ortaya çıxır və çünki burada əqd nə cinsi əlaqəyə görə ödənilən haqq ilə, nə də bunun səbəbi ilə əlaqədar deyildir. Burada əqd şübhəyə səbəb olan bir məqama bağlıdır, başqa məqama bağlı deyildir."

"əl-Məbsut", 9/58-59

Burada İmam əs-Səraxsi məsələ ilə bağlı İmam Əbu Hənifənin çıxış nöqtələrini izah etmişdir. Bu məqamları aşağıdakı kimi sadalaya bilərik.
1. İmam Əbu Hənifəyə görə, ücrət Qurani Kərimin dili mehrə verilən ad olduğu üçün, şübhəyə səbəb olur. Bunun üçün əs-Səraxsi burada lüğət alimlərinə görə ücrətlə cinsi əlaqə ilə nikah arasında bir fərqin olmadığını qeyd etmişdir.
2. Ortada əqd, yəni razılıq mövcuddur. Razılıq isə müəyyən ücrət qarşılığında zinanın edilməsidir. Ona görə də belə bir fasid əqd şübhəyə səbəb olur.
3. Yuxarıdakıları nəzərə aldıqdan sonra əs-Səraxsi açıq və sarih zina ilə bu halın arasındakı fərqi "muxtəlis" (hiylə yolu ilə başqasının malının arxasına keçən) ilə oğru arasındakı fərq ilə müqayisə etmişdir. Məlumdur ki, oğruya tətiq edilən hədd, "muxtəlis"in nə qədər oğurlamasına baxmayaraq ona tətbiq olunmaz. Lakin təzir tətbiq olunar.
4. Bunun mutə nikahı kimi olması da digər tərəfdən şübhəyə səbəb olur. Belə bir halda isə mutə əqdi bağlayan kəslərə hədd tətbiq olunmayacağı görüşünə varmışdır. Hənəfilərə görə isə belə halda heç cür hədd tətbiq olunmaz.
Hənəfi alimi əl-Məvsili bunu bu şəkildə izah edir:

"(Əbu Hənifə) üçün bu rəvayət dəlildir; bir qadın çobandan süd istəmiş, çoban isə qadının özünü ona təslim etməsinə imkan verməyənə qədər süd verməkdən imtina etmişdir. Qadın da buna razılaşmışdır. Sonra bu iş Ömərin - radiyallahu anhu - yanında qaldırılır və Ömər həddi hər ikisindən düşürərək dedi: "Bu, qadının mehridir". Və çünki icarə mənfəət gəliridir, yatmaqla əldə olunan qazanc da qazancdır və bu üzdən bir şübhə ortaya çıxır və mutə nikahı kimi olur."

"əl-İxtiyar li-Təlil əl-Muxtar", 4/90-91

Bir də diqqətə almaq lazımdır ki, hənəfi məzhəbi bir əqdi fasid şərtlərinə görə ibtal etmir və bu barədə Əbu Hənifənin məzhəbi məşhurdur. Hətta Əbu Hənifənin tələbəsi İmam Zufər mutə nikahına əsasən bağlanan əqdi səhih sayır:

"Zufər dedi: Müvəqqəti nikah səhihdir, vaxt qoymaq şərti isə batildir, çünki nikah fasid bir şərtə görə batil olmaz."

"əl-İxtiyar", 3/89

Yəni, İmam Zufər vaxtı şərt qoymağı batil bir şərt saysa da, buna əsasən bağlanan əqdi batil saymır. Bu, eləcədə İmam Əbu Hənifənin də məzhəbidir. İmam Əbu Hənifə ümumiyyətlə bu növ şübhələrdə hədd cəzalarını düşürməyin leyhinədir. Bunun isə səbəblərini yuxarıda səhabədən gətirdiyim dəlillərdə izah etdim. Bu isə heç bir vəch ilə bu əməlin caiz olduğuna dəlalət etmir. Alimlər bir çox cinayət əməlinin haram olmasında ittifaq etdikləri halda, bu əmələ görə hədd cəzasının düşüb düşmədiyində ixtilaf ediblər.

Baxaq görək Şeyx Abdurrahmən əl-Cəziri həqiqətdə nə deyir:

"(Hənəfilər) dedilər: Əgər bir kişi qadına ücrət qarşılığı zina təklif edərsə, qadın qəbul edər və cinsi əlaqədə olarlara, onlara hədd tətbiq olunmaz və İmam uyğun gördüyü qədər hər ikisini də təzirlə cəzalandırar. Qiyamət günü onların üzərinə zina günahı yazılı olacaqdır. Bunun isə dəlili budur ki, bir qadın səhrada qoyun sürüsü çobanından süd istəyir, çoban isə qadının özünü ona təslim etməsinə imkan verməyənə qədər süd verməkdən imtina etmişdir. Qadın da zəruərət və yeməyə olan ehtiyacına baxaraq buna razılaşmışdır və çoban onunla cinsi əlaqəyə girmişdi. Sonra bu iş Seyyidinə Ömər bin əl-Xattabın - radiyallahu anhu - yanında qaldırılır və Ömər həddi hər ikisindən düşürərək dedi: "Bu, qadının mehridir" və bunu qadının ücrətinə aid etdi. Çünki icarə qazanc mənbəyidir və buna görə də hər ikisində də şübhə üzə çıxmışdır. Həm də ona görə ki, Allah Təbərakə və Təalə Mübarək Kitabında mühri "ücrət" adlandırmışdır: "İstifadə etdiyiniz qadınların ücrətlərini lazımi qaydada verin!" Bu isə sanki bir kəsin "sənə bu qədər mehr verirəm" deməsi kimidir və bu fasid bir nikahdır."

Bu yuxarıda izah etdiklərimiz Əbu Hənifənin fətvasını fiqhi çərçivədə izah edir və bununla da biz rafizilərin necə axmaq oyuna girdiklərini görürük. Yuxarıda yazırlar ki, guya əl-Cəziri deyir: "hakim tərəfindən azca şallaq vurular", halbuki gördüyüm kimi bu, bir yalandır. Həqiqətdə isə imamın uyğun gördüyü qədər təzir cəzası tətbiq etməsi qeyd olunur. Bu rafizilər burada "azca" sözünü qeyd etməklə, elə göstərmək istəyirlər ki, sanki əhli-sünnət bu əməli ciddi bir əməl saymır. Allah yalan danışanlara lənət etsin!

noker deyir yax$idi

deyir bes Hesen ve Huseyn ( e ) necedi

deyir yax$idi

cixib getmey istiyende noker soru$ur: BEs Eli ( E )-in keyfini niye soru$madin.ki$I deyir : Destemazim yoxdu

(Əbəs yerə) üzr istəməyin. Siz iman gətirdikdən sonra (daxilinizdəki ikiüzlülüyü büruzə verməklə, Allahın əmrlərini unutmaqla) artıq kafir oldunuz. Aranızda bir qismini (tövbə edəcəyinə görə) bağışlasaq da, digər qismini günahkar olduğu üçün əzaba düçar edəcəyik!

Namazdan sonra səhabələr Peyğəmbərdən soruşurlar: "Ya Peyğəmbər! Birinci rukuda adətinizdən daha çox qaldınız. O qədər durdunuz ki, hətta günəşin doğmağına az qalmışdı. Lütf edib, səbəbini deyə bilərsinizmi?"

Həzrəti Mühəmməd Peyğəmbərimiz "Hər zaman olduğu kimi Səmi'allahülimən həmidəh deyib, rukudan qalxmaq istəyəndə, Cəbrayil Əleyhissəlam peyda olub qanadı ilə kürəyimdən basıb, başı ilə başınmı tutub qalxmağıma mane oldu. Bundan başqa hikmətinin nə olduğunu mən də bilmirəm" - buyurdu.

O an Allah Təala Cəbrayıl Əleyhissəlama əmr edir ki, "Həbibimə yetiş, səbəbini bildir. Əshabına bu sirri açsın."

O saat Hz.Cəbrayıl Həbibullahın hüzuruna gəlib, xəbər verdi ki, "Ya Rəsulallah! Mübarək başınızı rukudan qaldırmaq istədiyiniz zaman Allah Təala mənə əmr etdi ki, yetiş, Həbibimi qoyma rkudan qalxsın. MƏnim qulum Əli yolda bir ağsaqqalın saqqalına hörmət edib yavaş yeridiyi üçün camaat namazının savabından məhrum olur. Qalmasın. Həbibimə çatsın. Mən də gəldim, Sultanımı rukuda tutdum, Əli gəldi. Allah Təala məni sizi rukuda tutmağa göndərdiyi zaman, qardaşım İsrafili də günəşi tutmağa göndərdi ki, Hz.Əli sizə çatana qədər çıxmasın. Budur hikmət."tiş, səbəbini bildir. Əshabına bu sirri açsın."

(Əbəs yerə) üzr istəməyin. Siz iman gətirdikdən sonra (daxilinizdəki ikiüzlülüyü büruzə verməklə, Allahın əmrlərini unutmaqla) artıq kafir oldunuz. Aranızda bir qismini (tövbə edəcəyinə görə) bağışlasaq da, digər qismini günahkar olduğu üçün əzaba düçar edəcəyik!

Cavab: Əgər onun dediyindən nigah qəsd edilirsə və sən də desən ki “Mən bunu qəbul edirəm”, onda sizin evliliyiniz qəbuldur.

http://istefta.com/ans.php?stfid=7573&subid=20

(Əbəs yerə) üzr istəməyin. Siz iman gətirdikdən sonra (daxilinizdəki ikiüzlülüyü büruzə verməklə, Allahın əmrlərini unutmaqla) artıq kafir oldunuz. Aranızda bir qismini (tövbə edəcəyinə görə) bağışlasaq da, digər qismini günahkar olduğu üçün əzaba düçar edəcəyik!