İşləmək istəyirəm, lakin nişanlım icazə vermir

Üç ildir ki, nişanlanmışam. Lakin bu illər boyu mənimlə nişanlım arasında bəzi mübahisələr olmuşdur. Bu mübahisələrin əksəriyyəti bəsit xarakterli olmasına baxmayaraq, bununla belə aramızda problem yaşanmaqdadır və həmişə aramızda mühabisəyə gətirib çıxarır. Bu məsələ evləndikdən sonra mənim işləmək istəyimlə əlaqədardır. Nişanlım israr edir ki, islam dinində qadının ehtiyacdan dolayı deyil, sadəcə işləmək arzusunda olduğundan dolayı işləməsi haramdır.
Cavab:
Həmd Allaha məxsusdur.
Birincisi:
Bir məsələni qeyd etmək mühümdür: bu bacı deyir ki, o üç ildir ki, “nişanlıdır” və görünür ki, o nişanlısı ilə oturub durur və onunla danışır, ola bilsin onunla tək bir yerdə qalır və deyir ki, nişanlısı ilə “evləndikdən sonra işləmək” mövzusunda mübahisə edirlər.
Kəbindən əvvəl nişanlı kəslərin bir yerdə danışması və bayıra çıxması adət halını almışdır. Şübhəsiz ki, bu cür etmək haramdır, çünki evlilik təklif edən kişiyə yalnız nişanlısına baxmaq icazə verilir; onunla bir yerdə qalması və əl ilə görüşməsi haramdır, çünki qadın hələ də onun üçün naməhrəm sayılır, lakin islam kişinin evlənəcəyi qadına baxmasına icazə verir. Bundan məqsəd oldur ki, kişi evlənəcəyi kəs barədə qəti qərar verdiyinə əmin olsun.
Bəzi insanlar öz gələcək zövcəsi ilə nikah müqaviləsi bağlayan, lakin izdivac etməyənləri “nişanlı” adlandırır. Sizdə də vəziyyət bu cürdürsə, o zaman siz ər və arvad sayılırsınız. Sizin ərinizin sizinlə əl ilə görüşmək, sizinlə tək qalmaq və səyahət etmək haqqı var. Lakin kəbin yoxdursa, o zaman bu görüşlər haramdır.
İkincisi: Qadına yaraşan və münasib olan vəzifə evində qərar tutmaq, evin qayğısına qalmaq, ərinin və Allah təala onlara övlad ilə ruziləndiribsə övladlarının qayğısına qalmaqdır. Bu əzəmətli bir işdir, cüzi bir məsələ deyil. Evin xaricində iş məsələsinə gəldikdə, əslən bu qadının fitrətinə, təbiətinə uyğun gəlmir. Lakin qadının ehtiyacı varsa, onun təbiətinə ən uyğun və ən münasib olan işi edə bilər, eyni zamanda Allahın əmrlərinə tabe olaraq özünü örtməli, baxışlarını aşağı endirməli və haram yolla və s. kişilər ilə qarışmamalıdır.
Şeyx Abduləziz ibn Baz (Allah ona rəhmət etsin) demişdir:
Məlum olduğu kimi, qadının bayıra çıxaraq kişilərə xas sahələrdə işləməsi məzəmmət olunan qarışma və kişilər ilə tək qalmaqilə nəticələnir. Bu çox təhlükəli məsələdir, acı fəsadlar ilə nəticələnir. Bu cür etmək şəriət mətnlərinə ziddir, yəni islam qadına evlərində qərar turmağı və Allah təalanın onlara xas etdiyi və təbiətlərinə (fitrətlərinə) uyğun işləri görməyi əmr edir, bu da onları kişilər ilə qarışmaqdan uzaq tutur.
Səhih dəlillər açıq-aydın dəlalət edir ki, naməhrəm qadınlar ilə bir yerdə tək qalmaq və onlara baxmaq haramdır, həmçinin şəriətimiz Allah təalanın qadağan etdiklərini işləməyə səbəb olan vasitələri də qadağan edir. Bu barədə çox saylı açıq-aydın dəlillər mövcuddur və qəti olaraq göstərir ki, pis nəticələrə gətirib çıxaran qarışıqlıq haramdır. Məsələn, Allah təala buyurur:
“33 Evlərinizdə qərar tutun! İlk cahiliyyə dövründə olduğu kimi açıq-saçıq gəzməyin. Namaz qılın, zəkat verin, Allaha və Onun Elçisinə itaət edin. Ey ev əhli! Allah sizdən günahınızı silib aparmaq və sizi tərtəmiz etmək istəyir.
34 Evlərinizdə oxunan Allahın ayələrini və hikməti yada salın. Həqiqətən, Allah Lütfkardır, (hər şeydən) Xəbərdardır”. (əl-Əhzab 33:33-34)
Allah təala həmçinin buyurur:
“Ey Peyğəmbər! Zövcələrinə, qızlarına və möminlərin qadınlarına de ki, (naməhrəm yanında) çarşabları ilə örtünsünlər. Bu onların tanınması və onlara əziyyət verilməməsi üçün daha münasibdir. Allah Bağışlayandır, Rəhmlidir”. (əl-Əhzab 33:59)
“30 Mömin kişilərə de ki, (harama baxmayıb) gözlərini aşağı diksinlər və cinsiyyət üzvlərini (zinadan) qorusunlar. Bu, onlar üçün daha təmiz olar. Şübhəsiz ki, Allah onların nə etdiklərindən xəbərdardır.
31 Mömin qadınlara da de ki, (harama baxmayıb) gözlərini aşağı diksinlər və cinsiyyət üzvlərini (zinadan) qorusunlar. Qoy onlar – görünənlər istisna olmaqla, zinətlərini (naməhrəmə) göstərməsinlər; örtüklərini yaxalarının üstünə salsınlar; zinətlərini ərlərindən, yaxud atalarından, yaxud ərlərinin atalarından, yaxud öz oğullarından, yaxud ərlərinin oğullarından, yaxud qardaşlarından, yaxud qardaşlarının oğullarından, yaxud bacılarının oğullarından, yaxud öz (müsəlman) qadınlarından, yaxud sahib olduqları kölələrdən, yaxud ehtirasını itirən kişi xidmətçilərdən, yaxud qadınların çılpaqlığını hələ anlamayan uşaqlardan başqasına göstərməsinlər; gizlətdikləri zinət əşyaları bilinsin deyə ayaqlarını (yerə) vura-vura yeriməsinlər. Ey iman gətirənlər! Hamınız Allaha tövbə edin ki, bəlkə nicat tapasınız”. (ən-Nur 24:30-31)
Peyğəmbər sallallahu aleyhi və səlləm demişdir: “Qadınların yanına daxil olmaqdan həzər edin”, yəni naməhrəm qadınların yanına girməkdən. Dedilər: “Ey Allahın Rəsulu, bəs qayın barədə nə deyirsən? O dedi: “Qayın ölümdür”. Allah Rəsulu sallallahu aleyhi və səlləm nə cür olursa olsun naməhrəm qadın ilə tək qalmağı qadağan etmişdir və demişdir: “Üçüncüsü şeytandır”. Həmçinin, qadınlara yalnız məhrəmi ilə səyahət etməyə icazə verilmişdir. Bundan məqsəd şərrə aparan vasitələrin, səbəblərin qarşısını almaq və günah qapısını bağlamaq, hər iki tərəfi şeytanın tələsindən qorumaqdır. Çünki, səhih hədisdə belə rəvayət olunur: “Dünyadan və qadınlardan qorxun! Həqiqətən, İsrail oğullarının ilk fitnəsi qadınların əli ilə olmuşdur”. Həmçinin demişdir: “Özümdən sonra kişilər üçün qadınlardan daha zərərli bir fitnə (imtahan, sınaq) tərk etmədim”.
Gördüyünüz kimi, bu ayələr və hədislər aydın şəkildə ifadə edir ki, fəsada, ailələrin parçalanması və cəmiyyətlərin xarab olmasına, pozulmasına aparan qarışıqlıqdan uzaq durmaq vacibdir. Bəzi müsəlman ölkələrində qadınların vəziyyətinə baxdığımızda şahid oluruq ki, onlar evdən çıxdıqları üçün və onlara aid olmayan vəzifələrdə işlədikləri üçün şərəflərini itirmişdirlər. Bu ölkələrdə və qərb ölkələrində olan ağıl sahibləri nida edir ki, qadının Allah təalanın fiziki və əqli olaraq yaratdığı təbii vəziyyətinə geri qayıtması onun üçün zəruridir, lakin artıq çox gecdir.
Evlərində (iş görmək) və yaxud dərs demək, digər münasib sahələrdə qadının görəcəyi çox sayda işlər var. Bu da o deməkdir ki, kişilərə aid sahələrdə onların işləməsinə ehtiyac yoxdur.
Şeyx ibn Baz, va Muvaafaqatuhu əl-Səəbitə, № 22

ƏbdulƏziz ibn Abdullah ibn Baz

Mənbə: http://dinifetvalar.com/fetva.pl?id=652&axtarilan_soz=cinsi

Bismilləh!

Aleykumus-Sələm va rahmətullah. Əziz qardaşım. İqamənin müxtəlif deyiliş formaları olduğu kimi azanın da fərqli ləfzlərdə deyilişi sünnətə sabitdir. Lakin sizin sualınız iqamə barədə olduğundan cavablayırıq:

Sünnədə iqamənin deyilişi 3 cür gəlib:

1. Abdullah bin Zeydin (radıyallahu ənhu) nəql etdiyi hədisə görə Bilalın (radıyallahu ənhu) oxuduğu iqamə forması:

Allahu Əkbər (2 dəfə)
Əşhədü ən ləə iləhə İləllah (1 dəfə)
Əşhədu ənnə Muhammədən Rasulullah (1 dəfə)
Həyya aləl-saləh (1 dəfə)
Həyya aləl-fələh (1 dəfə)
Qad qamətis-saləh (2 dəfə)
Allahu Əkbər (2 dəfə)
Ləə iləhə İləllah (1 dəfə)

2. Əbu Mahzurədən (radıyallahu ənhu) rəvayət edilən: "Rasulullah (səlləllahu əleyhi və səlləm) "iqamə isə on yeddi kəlmədir"" deyə buyurduöu hədisə əsasən:

Allahu Əkbər (4 dəfə)
Əşhədü ən ləə iləhə İləllah (2 dəfə)
Əşhədu ənnə Muhammədən Rasulullah (2 dəfə)
Həyya aləl-saləh (2 dəfə)
Həyya aləl-fələh (2 dəfə)
Qad qamətis-saləh (2 dəfə)
Allahu Əkbər (2 dəfə)
Ləə iləhə İləllah (1 dəfə)

Ən-Nəsai, 2; ət-Tirmizi, 1/367, hədisin nömrəsi: 192, həsən, səhih hədisdir qeydiylə.

3. Azanda təkbiri iki dəfə, iqamə ləfzi bir dəfə şəklində oxunuşunu İmam Malik (rahiməhullah) mənimsəmişdir. Çünki Mədinə xalqının belə tətbiq edirdi. Bax: İbn Qeyyim, "Zadul-Məad", 2/390.

Ancaq İbn Qeyyim (rahiməhullah) bildirdiyinə görə "Qad qamətis-saləh" ləfzi qəti təkid edilmiş sünnət olaraq sabit deyildir. Bax: İbn Qeyyim, "Zadul-Məad", 2/389.

İbn Əbdül-Bərr (rahiməhullah): "Bu mübah olan bir ixtilafdır... İqaməni cüt də oxumaq olar, hamısını tək də oxusa da sadəcə "qad qamətis-saləh"i bir dəfə oxusa da, hamısı caizdir (icazəlidir)". Bax: İbn Hacər, Fəthul-Bari, 2/84.

Doğru olanı Allah bilir.

Vəs-Sələmu aleykum va rahmətullah.