Ana Səhifə » 2012 » Oktyabr » 2 » Xalid Məşəldən Ərdoğana: “Allah sənə çox şey bəxş edib, qardaşım. Sən buna layiqsən!”
Xalid Məşəldən Ərdoğana: “Allah sənə çox şey bəxş edib, qardaşım. Sən buna layiqsən!”
09:54
Türkiyənin Ədalət və İnkişaf Partiyasının IV qurultayı keçirilib.
“Selef.my1.ru” xarici KİV-ə istinadən bildirir ki, Türkiyənin Ədalət və İnkişaf Partiyasının (ƏİP) sayca IV qurultayı keçirilib. Qurultayda qonaq qismində Misir prezidenti Məhəmməd Mürsi və Fələstinin HƏMAS hərəkatının lideri Xalid Məşəl də iştirak edib.
Siyasi müşahidəçilərin Baş nazir Rəcəb Tayyib Ərdoğanın hakimiyyətdə olduğu illərin hesabatı kimi də xarakterizə etdikləri qurultayda çıxış edən HƏMAS-ın siyasi bürosunu şefi Türkiyə liderinin ünvanına xoş sözlər səsləndirib.
“Ey qardaşım Ərdoğan, Allaha şükür et ki, sənə çox şey bəxş edib və sən buna layiqsən! Dua et ki, Allah şanını daha da ucaltsın. Sən yalnız türklərin deyil, artıq islam aləminin də liderisən”, - deyə Məşəl çıxışında qeyd edib.
Türkiyə xalqının Ərdoğanın uğurları ilə qürur duya biləcəyini vurğulayan HƏMAS lideri bu ölkədə əldə edilən uğurların artıq ərəb ölkələrinə də sıçramağa başladığını deyib. Fələstin məsələsində mövqeyinə görə, Türkiyə iqtidarına təşəkkür edən Məşəl çıxışında Sultan II Əbdülhəmidin Fələstin xüsusundakı mövqeyini də unutmayıb.