Ana Səhifə » 2012 » İyul » 6 » Qürədaği: “Gəlin, Suriya üçün sünnili-şiəli, kürdlü-ərəbli yekvücud olaq!”...
Qürədaği: “Gəlin, Suriya üçün sünnili-şiəli, kürdlü-ərəbli yekvücud olaq!”...
21:49
Tanınmış alim müsəlmanları məzhəbindən və etnik mənsubiyyətindən asılı olmayaraq Suriya inqilabını dəstəkləməyə çağırıb.
“Selef.my1.ru” xarici KİV-ə istinadən bildirir ki, Ümumdünya Müsəlman Alimlər Birliyinin (ÜMAB) Baş katibi Əli Qürədaği Suriya prezidenti Bəşşar Əsədin xalqın fərqli məzhəblərə mənsubluğundan sui-istifadə etdiyini deyib.
Yüz illər boyu bir arada yaşayan fərqli məzhəblərdən olan müsəlman xalq arasında bu məsələnin yenidən qızışmasını istəmədiklərini deyən Baş katib Türkiyənin İstanbul şəhərində keçirilən Suriya Xalqını Dəstəkləyən İslam Ümməti Konfransının nəticələrini dəyərləndirib.
Konfransın Suriya inqilabı üçün referendum mənasına gəldiyini deyən alim türk, kürd, ərəb, sünni, şiə və ələvi olan bütün suriyalı müsəlmanlara müraciət edərək, onları inqilab üçün yekvücud olmağa çağırıb. Qürədaği konfransda inqilaba dəstək verilməsi ilə xalq üsyanının legitimliyi və zalım rejimə qarşı keçirildiyinin təsdiqini tapdığını bildirərək, Bəşşar Əsədin məzhəb məsələsindən sui-istifadə etdiyini deyib.
ÜMAB-ın məzhəbçilik probleminə qarşı çıxdığını vurğulayan Qürədaği Suriya rejiminin xalq arasında fitnə yaratmağa cəhd etməsinə rəğmən, uğursuzluğa düçar olacağını vurğulayıb.
| Baxılıb: 534 | Tarix: 
