Ana Səhifə » 2012 » Sentyabr » 3 » Müqəddəs torpaqlarda “Ey Peyğəmbər! Sənə Allahın salamı olsun” parkı salınır
Müqəddəs torpaqlarda “Ey Peyğəmbər! Sənə Allahın salamı olsun” parkı salınır
16:48
Səadət əsri” parkında Məhəmməd peyğəmbərin dövrü bütün təfərrüatı ilə əks olunacaq.
“Selef.my1.ru” xarici KİV-ə istinadən bildirir ki, Səudiyyə Ərəbistanında Məhəmməd peyğəmbərin dövrünü bütün təfərrüatları ilə özündə əks etdirən park salınması üçün ilk tədbirlər görülüb.
İslam dünyasında rezonansa səbəb olan layihəyə görə, parkda islam mədəniyyətini hər baxımdan təqdim edəcək böyük muzey və kitabxana da inşa ediləcək. Habelə parkda Həzrəti Məhəmmədin yaşadığı dövrə aid bir çox əşyalar nümayiş etdiriləcək, tarixi hadisələr film və animasiya şəklində canlandırılacaq.
Krallıq mətbuatında dərc olunan xəbərlərdə Məkkə və Ciddə şəhərləri arasında salınması planlaşdırılan “Ey peyğəmbər! Sənə Allahın salamı olsun” adlandırılacaq parkda mehmanxanaların, restoran və ticarət mərkəzlərinin də fəaliyyət göstərəcəyi bildirilib. “Ər-Riyad” qəzeti sözügedən obyektlərin islam memarlığına uyğun inşa ediləcəyini yazıb.
Habelə xəbərlərdə “Səadət əsri” parkında böyük ərəb tarixçilərinin əsərlərindən faydalanılaraq, Məhəmməd peyğəmbərin xanımlarına aid bəzək əşyalarına bənzər əşyalar, eləcə də müxtəlif cübbələr, silahlar nümayiş etdiriləcək.
Layihə haqqında açıqlama verən Nasir ibn Müsfir əz-Zəhrani “mövzu park” sayəsində islam tarixi və mədəniyyətinin daha yaxşı dərk ediləcəyini deyib.