Ana Səhifə » 2012 » Sentyabr » 22 » İslam Əməkdaşlıq Təşkilatı müsəlmanları təhqir xarakterli filmi müzakirə edəcək
İslam Əməkdaşlıq Təşkilatı müsəlmanları təhqir xarakterli filmi müzakirə edəcək
06:46
Təşkilata üzv ölkələrin Xarici İşlər nazirləri gələn həftə Nyu-Yorkda bir araya gələcəklər.
“Selef.my1.ru” Türkiyə mətbuatına istinadən bildirir ki, İslamı və müsəlmanları təhqir xarakterli filmə qarşı atılacaq addımları müzakirə etmək üçün gələn həftə ABŞ-ın Nyu-York şəhərində İslam Əməkdaşlıq Təşkilatının (İƏT) toplantısı keçiriləcək.
Təşkilatın Baş katibi Əkmələddin İhsanoğlu müsəlmanların təhrikedici aktlar dalğasına sürüklənməməsi üçün bütün addımların sözügedən toplantıda hərtərəfli müzakirə ediləcəyini deyib.
İƏT-in Ciddə şəhərindəki Baş ofisində mətbuat konfransı keçirən İhsanoğlu bəzi üzv ölkələrin görüləcək tədbirlər xüsusunda bir sıra təkliflər irəli sürdüyünü, ancaq vahid mövqedən çıxış etmənin əhəmiyyətli olduğunu vurğulayıb. Baş katib dini dəyərlərin təhqir edilməsinin BMT tərəfindən cinayət kimi qəbul edilməsi üçün iş aparıldığını deyib.
İhsanoğlu bənzər təhriklərin qarşısının alınması üçün ABŞ Dövlət katibi Hillari Klintona məktubla müraciət etdiyini, eləcə də məsələni Ərəb Birliyinin Baş katibi Nəbil əl-Ərəbi və Avropa Birliyi Xarici Siyasət üzrə ali təmsilisi Ketrin Eştonla da müzakirə etdiyini bildirib.