Ana Səhifə » 2012 » İyul » 22 » Dünyada Ramazan: Çində ilk iftar açılıb... Balkan ölkələrini Ramazan sevinci bürüyüb...
Dünyada Ramazan: Çində ilk iftar açılıb... Balkan ölkələrini Ramazan sevinci bürüyüb...
14:55
Livanda isə mübarək ayın gəlişi əsl bayrama çevrilib.
“Selef.my1.ru” xarici KİV-ə istinadən bildirir ki, Ramazan ayının ilk günü dünyanın müxtəlif ölkələrində yaşayan müsəlmanlar tərəfindən sevinclə qeyd olunub. Belə ki, Çin müsəlmanları ölkənin müxtəlif şəhərlərindəki məscidlərdə toplaşaraq, iftar açıb, dua ediblər. Xalq respublikasının şərqindəki Şanxay şəhərində meyvələrlə iftarlarını açan müsəlmanlar axşam namazını qıldıqdan sonra süfrə arxasına əyləşiblər.
Çinli müsəlmanların dəbdəbəli olmayan süfrələrini düyü unundan hazırlanmış Çin çörəyi, qızardılmış tərəvəz və ət xörəyi bəzəyib.
Ramazanın gəlişi Balkan yarımadası ölkələrində yaşayan müsəlmanları sevincə qərq edib. Mübarək ayın ilk cümə namazında Sarayevo, Skopye, Tipoli, Travnik, Belqrad məscidlərində Ramazan xütbəsi oxunub.
Bu arada Makedoniya prezidenti Georq İvanov ölkədə fəaliyyət göstərən İslam Birliyinə göndərdiyi mesajda müsəlmanları Ramazanın gəlişi münasibətilə təbrik edərək, İslamın Makedoniya mədəniyyətinin tərkib hissəsi olduğunu vurğulayıb.
Livanda isə “Ramazan dəstəsi” təşkil edən bir qrup müsəlman Ramazan ayı ərzində ölkənin müxtəlif şəhərlərinə səyahət edərək, tolerantlıq, həmrəylik və yardımlaşma mesajı verəcəklərini bildiriblər.
Qrup paytaxt Beyrutun xristianlar, eləcə də şiə və sünni məzhəb nümayəndələrinin məskunlaşdığı məhəllələrdə eyni mesajı verəcəklərini qeyd ediblər.
| Baxılıb: 512 | Tarix: 
