Ana Səhifə » 2012 » Oktyabr » 10 » Narkotik maddə asılılığından xilas olanlar pulsuz ümrə ziyarətinə gedəcəklər
Narkotik maddə asılılığından xilas olanlar pulsuz ümrə ziyarətinə gedəcəklər
20:03
Türkiyədə “Əlimdən tut” yeni sosial məsuliyyət layihəsi həyata keçirilir.
“Selef.my1.ru” xarici KİV-ə istinadən bildirir ki, Türkiyənin Gebze Rayon Müftiliyi tərəfindən “Əlimdən tut” adlı yeni sosial-dini layihəsinə start verilib. Layihə çərçivəsində narkotik maddə aludəçiliyindən xilas olmaq üçün müalicə alanlar müqəddəs topraqlara ümrə ziyarəti ilə mükafatlandırılacaqlar.
Gebze müftisi Şükrü Balkan keçirdiyi mətbuat konfransında tabeliyindəki bütün məscidlərdə və Quran kurslarında sözügedən layihəni həyata keçirməyə hazırlaşdıqlarını deyib. “Heç kim məhrum qalmasın” şüarı ilə gənclər üçün 4 layihə həyata keçirəcəklərini deyən mufti Balkan ilk layihənin narkotik maddələrdən əziyyət çəkən gənclər üçün nəzərdə tutulduğunu bildirib.
“Əlimdən tut” layihəsi ilə sözügedən problemdən əziyyət çəkən gəncləri müalicə etmək niyyətində olduqlarını deyən mufti artıq Maltəpə universiteti xəstəxanasında üç belə xəstənin müalicəsinə başlanıldığını qeyd edib.
Müfti narkotik maddə aludəçiliyindən xilas olanları Səudiyyə Ərəbistanına ümrə ziyarətinə göndərəcəklərini vurğulayıb.